Skólaskýrsla 2004 - Verzlunarskóli Íslands

arnarétti og farið yfir helstu reglur um erfðir, s.s. um skyldu­ og bréferfðir, rétt til setu í
óskiptu búi o.s.frv.
Kennslugögn: Lögfræði og lífsleikni fyrir framhaldsskóla eftir Þuríði Jónsdóttur. Fyrir þá
sem eru í alþjóðalögfræði er lesheftið Alþjóðalögfræði eftir Sveinbjörgu Birnu
Sveinbjörnsdóttur og Þuríði Jónsdóttur.
Málefni líðandi stundar
VI. bekkur, val:
Markmið: Að nemendur fái tækifæri til að taka þátt í að móta viðfangsefni námsins/námskeiðsins.
Að nemendur tengi saman ólíkar námsgreinar og (þekkingarsvið), geti
unnið sjálfstætt og saman í hóp. Að nemendur beri ábyrgð á sinni vinnu og nýti sér
upplýsingatækni meðal annars.
Kennslugögn: Engin eiginleg kennslugögn eru notuð en kennarar aðstoða nemendur við
efnis­ og gagnaöflun í tengslum við einstök verkefni.
Margmiðlun
V. bekkur, tölvu­ og upplýsingatæknideild:
Námslýsing: Kennd er hönnun og uppbygging vefsíðna. Farið er yfir grunnatriði vefsíðukóða,
innsetningu tengla, mynda og notkun taflna. Kennd er notkun ýmissa hjálparforrita í
vefsíðugerð. Farið er í mikilvægi góðrar hönnunar og verkskipulags. Kennd er myndvinnsla í
tölvum. Lögð er áhersla á að nemendur geti unnið myndir á viðeigandi gagnasnið miðað við
notkun, kunni að meðhöndla myndir, breyta þeim og setja saman, ásamt því að þeir þekki
helstu myndastaðla sem notaðir eru í dag.
Einnig verða önnur vefmál kynnt og reynd, s.s. PHP3 og ASP. Kennt verður að búa til
einfaldar Flash myndir til að setja á vefinn.
Kennslugögn: Námsefni eftir kennara.
Markaðsfræði
V. bekkur, alþjóða­ og viðskiptadeild:
Markmið: Að nemendur læri undirstöðuatriði við stjórnun og skipulagningu markaðsaðgerða.
Námslýsing: Í kennslunni er farið yfir grundvallarhugtök sem tengjast markaðsfræði og
fjallað um hvernig hugmyndafræðin er notuð til að markaðssetja vörur og þjónustu. Sérstaklega
er farið í mikilvægi markaðsstarfs í síbreytilegu umhverfi, afstöðu fyrirtækja til markaðarins,
rekstrar­ og samkeppnisumhverfi, markaðshlutun, val markhópa, staðfærslu, vöruþróun,
líftíma vöru, vöruhugtakið, verðlagningu, kynningarmál, Netið og markaðsmál, ímynd
fyrirtækja og markaðsáætlanir. Farið er yfir grundvallaratriði markaðsrannsókna og gerð
skoðanakannana kynnt.
Lokaverkefni á Viðskiptabraut er gerð skoðanakönnunar. Nemendur þurfa sjálfir að finna
samstarfsfyrirtæki og gera við það sérstakan samstarfssamning sem kveður nánar á um
framkvæmd könnunarinnar.
Lokaverkefni á Alþjóðabraut er markaðsgreining á erlendum markaði og gerð markaðsáætlunar.
Nemendur þurfa sjálfir að finna samstarfsfyrirtæki og ákveða í samstarfi við það þá
vöru sem kanna á markað fyrir.
Nemendur vinna verkefnin undir handleiðslu kennara en bera að öðru leyti ábyrgð á
framvindu þeirra gagnvart samstarfsfyrirtækjum. Verkefnum er skilað til kennara og
samstarfsfyrirtækja í skýrsluformi í lok annarinnar auk þess skulu þau flutt í formi
fyrirlestrar.
37