1Tz4Pwy
1Tz4Pwy
1Tz4Pwy
Create successful ePaper yourself
Turn your PDF publications into a flip-book with our unique Google optimized e-Paper software.
VƏSAİTLƏ ÜMUMİ TANIŞLIQ<br />
Bu vəsait Avropa İttifaqı qanunvericiliyi və Avropa İnsan Hüquqları Konvensiyası kontekstində sığınacaq,<br />
sərhəd idarəçiliyi və immiqrasiya məsələləri ilə əlaqədar tətbiq edilən qanunların icmalını təqdim edir. Burada<br />
adətən Avropa İttifaqında üçüncü ölkə vətəndaşları kimi qəbul olunan əcnəbilərin vəziyyəti nəzərdən keçirilir,<br />
baxmayaraq ki, sözügedən Konvensiyada bu cür fərqləndirmə münasib hesab edilmir.<br />
Vəsaitdə Avropa İttifaqı vətəndaşlarının və ya Avropa İttifaqı qanunvericiliyinə əsasən Avropa İttifaqının<br />
ərazisinə sərbəst gəlmək və bu ərazidə sərbəst hərəkət etmək hüququna malik İslandiya, Lixtenşteyn, Norveç<br />
və İsveçrə vətəndaşlarının hüquqlarından bəhs edilmir. Yalnız zərurət yarandıqda üçüncü ölkə vətəndaşları<br />
olan ailə üzvlərinin vəziyyətini izah etmək üçün əvvəlki cümlədə qeyd olunmuş vətəndaşlardan ibarət<br />
kateqoriyalara istinad ediləcək.<br />
Bununla belə, Avropa İttifaqı qanunvericiliyinə əsasən Avropa İttifaqının üzv dövlətləri ilə əlaqələrdən və ya<br />
xüsusi himayə ehtiyacının olub-olmamasından asılı olaraq müxtəlif hüquqlara malik üçüncü ölkə<br />
vətəndaşlarının 20 fərqli kateqoriyası mövcuddur. Avropa İttifaqı qanunvericiliyi onlardan bəziləri, məsələn,<br />
sığınacaq axtaranlar üçün müfəssəl qaydalar nəzərdə tutduğu bir halda digərləri, məsələn, tələbələr üçün<br />
yalnız bəzi aspektləri tənzimləyərək digər hüquqların təmin edilməsi məsələsini Avropa İttifaqına üzv olan<br />
müvafiq dövlətin ixtiyarına verir. Ümumilikdə götürəndə Avropa İttifaqı ərazisində yaşamaq icazəsi əldə etmiş<br />
üçüncü ölkə vətəndaşları burada müvəqqəti olanlarla müqayisədə daha müfəssəl hüquqlara malikdirlər.<br />
Avropa İttifaqı qanunvericiliyinə əsasən üçüncü ölkə vətəndaşlarından ibarət müxtəlif kateqoriyaların geniş<br />
xülasəsi Cədvəl 1-də təqdim olunur.<br />
Vəsait sığınacaq, sərhəd və miqrasiya hüququ sahəsində ixtisaslaşmamış praktiki işçilərə köməklik göstərməklə<br />
yanaşı, vəkillər, hakimlər, prokurorlar, sərhədçilər, miqrasiya xidməti əməkdaşlarının, həmçinin bu mövzulara<br />
aid suallarla rastlaşan dövlət orqanlarının, qeyri-hökumət təşkilatlarının və digər qurumların işçiləri üçün<br />
nəzərdə tutulur. Vəsait sözügedən tematik sahələrlə əlaqədar Avropa İttifaqı qanunvericiliyinə və Avropa İnsan<br />
Hüquqları Konvensiyasına ilk istinad mənbəyi rolunu oynayaraq hər bir müvafiq məsələnin Avropa İttifaqı<br />
qanunvericiliyinə, həmçinin Avropa İnsan Hüquqları Konvensiyasına, Avropa Sosial Xartiyasına və Avropa<br />
Şurasının aidiyyəti sənədlərinə əsasən necə tənzimləndiyini izah edir. Hər bir fəsildə ilk olaraq Avropanın iki<br />
ayrı hüquq sisteminə əsasən tətbiq edilən qanun normalarının ümumiləşdirilmiş cədvəli təqdim olunur. Sonra<br />
müvafiq fəsildə nəzərdən keçirilən mövzu ilə əlaqədar tətbiq edilə biləcək həmin Avropa sistemlərinin müvafiq<br />
qanunları bir-birinin ardınca verilir. Bu, oxucuya iki hüquq sisteminin hansı məqamda üst-üstə düşdüyünü və<br />
harada fərqləndiyini görmək imkanı verir.<br />
Avropa İttifaqına üzv olmayan, lakin Avropa Şurasının üzvü olan və bununla da Avropa İnsan Hüquqları<br />
Konvensiyasının tərəflərindən olan dövlətlərin praktiki işçiləri birbaşa həmin Konvensiyaya aid bölmələri<br />
nəzərdən keçirərək öz ölkələrinə aidiyyəti olan informasiya ilə tanış ola bilərlər. Avropa İttifaqının üzv<br />
dövlətləri sözügedən iki sistemdən irəli gələn öhdəlikləri öz üzərinə götürdüklərindən bu dövlətlərin praktiki<br />
işçiləri bölmələrin ikisindən də istifadə etməli olacaqlar. Hər hansı bir konkret məsələ ilə əlaqədar daha ətraflı<br />
informasiyaya ehtiyacı olan şəxslər daha da ixtisaslaşdırılmış materiallarla tanış olmaq üçün vəsaitin "Əlavə<br />
ədəbiyyat" hissəsində verilən ədəbiyyat siyahısına baxa bilərlər.<br />
Vəsaitdə nəzərdən keçirilən hər mövzu ilə əlaqədar Avropa İnsan Hüquqları Konvensiyasının müddəaları<br />
Avropa İnsan Hüquqları Məhkəməsində baxılmış seçmə işlərə qısa istinadlar etməklə təqdim olunur. Bu işlər<br />
mövcud miqrasiya məsələləri ilə bağlı Avropa İnsan Hüquqları Məhkəməsi tərəfindən çıxarılmış çoxsaylı<br />
qərardadlar və qərarlar sırasından seçilmişdi.<br />
2009-cu ilədək Avropa Ədalət Məhkəməsi adlandırılan Avropa İttifaqı Ədalət Məhkəməsinin presedent<br />
hüququnda təfsir olunduğu kimi, Avropa İttifaqı qanunvericiliyinə tətbiq edilmiş qanunvericilik tədbirlərində,<br />
əlaqədar müqavilələrin müvafiq müddəalarında və konkret olaraq Avropa İttifaqının Fundamental Hüquqlar<br />
Xartiyasında rast gəlinir.<br />
Bu vəsaitdə təsvir olunan və ya istinad edilən presedent hüququ həm Avropa İnsan Hüquqları, həm də Avropa<br />
İttifaqı Ədalət Məhkəmələrinin presedent hüququnun vacib hissələrinə aid nümunələri özündə əks etdirir.<br />
11