1Tz4Pwy
1Tz4Pwy
1Tz4Pwy
Create successful ePaper yourself
Turn your PDF publications into a flip-book with our unique Google optimized e-Paper software.
Sığınacaq, Sərhəd və İmmiqrasiya Məsələlərinə dair Avropa Qanunvericiliyi üzrə Vəsait<br />
Konvensiyasında nəzərdə tutulmuş hüquqlardan qaynaqlanan insan hüquqlarından ibarət bir siyahıdan təşkil<br />
olunub. Bu Xartiya, 2000-ci ildə sadəcə olaraq bir “bəyannamə” kimi qəbul edilmişdir və onu qəbul edən<br />
tərəflər üzərinə heç bir öhdəlik qoymurdu, lakin buna baxmayaraq, Avropa Komissiyası, Avropa İttifaqı<br />
qanunvericiliyinə aid təkliflər verən əsas orqan kimi bütün təkliflərin qeyd olunan Xartiyaya<br />
uyğunlaşdırılacağını bəyan etmişdir.<br />
Lissabon Sazişi 2009-cu il dekabrın 1-də qüvvəyə mindikdən sonra Avropa İttifaqı Fundamental Hüquqlar<br />
Xartiyasının statusunu dəyişərək, onu tərəflər üzərinə hüquqi öhdəliklər qoyan bir sənəd səviyyəsinə qaldırdı.<br />
Bunun nəticəsi olaraq, Avropa İttifaqı təsisatları (həmçinin Avropa İttifaqının üz dövlətləri) "Avropa İttifaqı<br />
qanunvericiliyini icra etdikləri zaman" öz fəaliyyətlərini bu Xartiyaya uyğunlaşdırmalıdırlar (Xartiyanın 51-ci<br />
maddəsi).<br />
Bundan başqa, Xartiyanı Polşa və Birləşmiş Krallıqla əlaqədar təfsir edən Protokol da qəbul edilmişdir. 2001-ci<br />
ildə Avropa İttifaqının Ədalət Məhkəməsi miqrasiya məsələsinə aid işə baxarkən bu Protokolun əsas<br />
məqsədinin sözügedən Xartiyanın sosial hüquqlar sahəsində tətbiqinin məhdudlaşdırılmasından ibarət<br />
olduğunu bəyan etmişdir. Bundan başqa, Məhkəmə həmin Protokolun Avropa İttifaqının sığınacaq<br />
qanunvericiliyinin icra olunmasına təsir etmədiyini bildirmişdir. 14<br />
İlk dəfə Avropa səviyyəsində sığınacaq hüququnu Avropa İttifaqı Fundamental Hüquqlar Xartiyasının 18-ci<br />
maddəsi özündə əks etdirmişdir. 18-ci maddəyə əsasən həmin hüquq bu cür təsbit olunurdu: "Sığınacaq<br />
hüququ Cenevrə Konvensiyasının [...] müddəalarına lazımi qaydada hörmətlə yanaşaraq və Avropa İttifaqı<br />
Müqaviləsinə, həmçinin "Avropa İttifaqının fəaliyyəti haqqında" Müqaviləyə [...] uyğun olaraq təmin olunur."<br />
Xartiyanın 19-cu maddəsi isə, şəxsin təqiblərə məruz qalması ilə bağlı əsaslı qorxuların mövcud olmasından və<br />
ya işgəncəyə və yaxud qəddar, qeyri-insani, yaxud ləyaqəti alçaldan rəftara və ya cəzaya məruz qalması ilə<br />
əlaqədar real risklərə məruz qalmasından ibarət vəziyyətlərdə geri qaytarılmasının qadağan edilməsini<br />
nəzərdə tutur ("non-refoulment"/məcburi geri qaytarmamaq prinsipi).<br />
Bundan başqa, Xartiyanın insanların müdafiə ilə təmin olunmasına dair digər müddəaları miqrasiya<br />
kontekstinə uyğun gəlir. Xartiyanın 47-ci maddəsi səmərəli hüquqi müdafiə vasitələrinə dair əlahiddə bir<br />
hüququ nəzərdə tutur və ədalətli məhkəmə araşdırması prinsiplərini təsbit edir. 47-ci maddədə nəzərdə<br />
tutulmuş ədalətli məhkəmə araşdırması prinsipi araşdırmanın məhz məhkəmə orqanı tərəfindən aparılmasını<br />
tələb edir. Bu isə heç də mütləq məhkəmə orqanı olmayan dövlət orqanları qarşısında səmərəli hüquqi<br />
müdafiə vasitələrindən istifadə hüququnu təmin edən Avropa İnsan Hüquqları Konvensiyasının 13-cü<br />
maddəsindən daha geniş müdafiəni nəzərdə tutur. Bununla yanaşı, Avropa İttifaqı Fundamental Hüquqlar<br />
Xartiyasının 52-ci maddəsi Xartiya əsasında nəzərdə tutulan minimum müdafiənin Avropa İnsan Hüquqları<br />
Konvensiyası tərəfindən təmin olunan hüquqlara bərabər olduğunu bəyan etsə də Avropa İttifaqı Avropa İnsan<br />
Hüquqları Məhkəməsi tərəfindən irəli sürülən təfsirlə müqayisədə hüquqların daha geniş təfsirini tətbiq edə<br />
bilər.<br />
Avropa İttifaqının Avropa İnsan Hüquqları Konvensiyasına<br />
qoşulması məsələsi<br />
İndiki zamanda Avropa İttifaqı qanunvericiliyi və Avropa İnsan Hüquqları Konvensiyası çox sıx əlaqədədir.<br />
Avropa İttifaqının Ədalət Məhkəməsi insan hüquqlarının Avropa İttifaqının qanunvericiliyi əsasında hansı<br />
dərəcədə müdafiə olunacağını müəyyən edərkən Avropa İnsan Hüquqları Konvensiyasını bir hüquqi təməl kimi<br />
qəbul edir. Avropa İnsan Hüquqları Konvensiyasında nəzərdə tutulmuş bir sıra hüquqlar, digərləri ilə yanaşı,<br />
Avropa İttifaqının Fundamental Hüquqlar Xartiyasında da öz əksini tapmışdır. Deməli, Avropa İttifaqı<br />
qanunvericiliyi böyük ehtimalla Avropa İnsan Hüquqları Konvensiyasına uyğundur, baxmayaraq ki, Avropa<br />
İttifaqı Avropa İnsan Hüquqları Konvensiyasına hələ də qoşulmayıb. Mövcud qanunvericiliyə görə əgər hansısa<br />
şəxs, Avropa İttifaqı tərəfindən insan hüquqlarının təmin olunmaması barədə məhkəməyə müraciət etmək<br />
14 N.S.-in Daxili İşlər Departamentinin Dövlət katibinə və M.E.-nin və başqalarının Qaçqın Ərizələrinin baxılması üzrə Komissarlığa və<br />
Ədliyyə, Bərabərlik və Hüquq İslahatları nazirinə qarşı (N. S. v. Secretary of State for the Home Department and M. E. and Others v.<br />
Refugee Applications Commissioner and Minister for Justice, Equality and Law Reform) Avropa İttifaqı Ədalət Məhkəməsindəki<br />
C-411/10 və C-493/10 saylı, 21 dekabr 2011-ci il tarixli birgə işləri.<br />
18