1Tz4Pwy

Sığınacaq, Sərhəd və İmmiqrasiya Məsələlərinə dair Avropa Qanunvericiliyi üzrə Vəsait
2011-ci ildə Avropa Şurası "Qadınlara qarşı zorakılığın və məişət zorakılığının qarşısının alınması və bu
zorakılıqlara qarşı mübarizənin aparılması haqqında" Konvensiyanı qəbul etmişdir. Bu zorakılığın qarşısını
almaq, zorakılıqdan zərər çəkmiş şəxsləri müdafiə etmək və zorakılıq əməllərini törədənlərin cəzasızlığına son
qoymaq istiqamətində müfəssəl hüquqi çərçivələr yaradan ilk dünya səviyyəli və mütləq xarakter daşıyan
hüquqi sənəddir. Bu Konvensiya hələ qüvvəyə minməyib.
Avropa İttifaqı qanunvericiliyinə əsasən Avropa İqtisadi Zonası vətəndaşlarının ailə üzvləri olan və məişət
zorakılığından zərər çəkmiş üçüncü ölkə vətəndaşları boşandıqları və ya qeydə alınmış partnyorluq
münasibətlərinə xitam verildiyi təqdirdə Hərəkət etmək azadlığı Direktivinə uyğun olaraq əlahiddə yaşayış
icazəsi əldə etmək hüququna malikdirlər (13(2)(c) maddəsi). Üçüncü ölkə vətəndaşı olan zəmanətçinin ailə
üzvlərinə gəldikdə isə Ailənin yenidən birləşməsi Direktivinin 15(3)-cü maddəsinə uyğun olaraq "üzv dövlətlər
boşanma və ya ayrılmadan irəli gələn xüsusi çətin vəziyyətlər yarandığı halda əlahiddə yaşayış icazələrinin
verilməsini təmin edən normaları müəyyən etməlidirlər. "
Əsas məqamlar
Uşaqlarla bağlı istənilən tədbir görülərkən ilk növbədə uşağın ən yaxşı maraqları nəzərə alınmalıdır
(Bölmə 9.1-ə baxın).
Avropa İttifaqı qanunvericiliyinə əsasən müşayiət olunmayan azyaşlı sığınacaq axtaranlar öz
nümayəndələri tərəfindən kömək almaq hüququna malikdirlər (Bölmə 9.1.1-ə baxın).
Avropa İttifaqı qanunvericiliyinə əsasən Sığınacaq prosedurları Direktivi Avropa İttifaqının üzv dövlətlərinə
müşayiət olunmayan azyaşlı sığınacaq axtaranların həqiqətən də azyaşlı olub-olmamaları ilə əlaqədar
şübhələr yarandıqda onların yaşını müəyyən etmək məqsədi ilə tibbi müayinələr keçirmək icazəsi versə
də bu dövlətlər müəyyən təminatlara hörmət etməyə borcludurlar (Bölmə 9.1.2-yə baxın).
Həm Avropa İttifaqı qanunvericiliyinə, həm də Avropa İnsan Hüquqları Konvensiyasına əsasən insan
alverçilərinin cəzalandırılmasını nəzərdə tutan müddəalarla yanaşı insan alveri qurbanlarının və potensial
qurbanların müdafiə olunması üçün səmərəli normaların mövcudluğunu təmin etmək öhdəliyi
mövcuddur (Bölmə 9.2-yə baxın).
Avropa İttifaqı qanunvericiliyinə əsasən, ədalətli və səmərəli sığınacaq proseduruna ehtiyac olarsa,
işgəncədən, təcavüzdən və başqa ağır cinayətlərdən zərər çəkmiş şəxslər xüsusi prosedur təminatlarına
malik olmalıdırlar (Bölmə 9.4-ə baxın).
Avropa İnsan Hüquqları Konvensiyasına əsasən uşaqlar və məişət zorakılığından zərər çəkmiş şəxslər
"həssas qrupa" aid edildiyindən üzv dövlətlər tərəfindən səmərəli şəkildə müdafiə olunmaq hüququna
malikdirlər (Bölmə 9.1.1 və 9.4-ə baxın).
Əlavə presedentlər və ədəbiyyat
Əlavə presedentlərlə tanış olmaq üçün zəhmət olmasa bu vəsaitin 174-ci səhifəsində verilmiş təlimatlara
diqqət yetirin. Bu fəsildə nəzərdən keçirilmiş məsələlərə aid əlavə materiallarla vəsaitin 157-ci səhifəsindəki
“Əlavə ədəbiyyat” hissəsində tanış olmaq mümkündür.
158