1Tz4Pwy

Sığınacaq, Sərhəd və İmmiqrasiya Məsələlərinə dair Avropa Qanunvericiliyi üzrə Vəsait
Əsas məqamlar
Həm Avropa İttifaqı qanunvericiliyinə, həm də İnsan Hüquqları Konvensiyasına əsasən azadlıqdan
məhrum etmə digər mümkün və nisbətən yüngül tədbirlər tükəndikdən sonra ən son variant kimi
tətbiq edilməlidir (Bölmə 6.2-yə baxın).
Avropa İnsan Hüquqları Konvensiyasına əsasən şəxsin konkret vəziyyəti bu Konvensiyanın 5-ci
maddəsinə uyğun olaraq azadlıqdan məhrum edilməsi ilə və ya həmin Konvensiyaya dair 4 saylı
Protokolun 2-ci maddəsinə uyğun olaraq hərəkət etmək azadlığının məhdudlaşdırılması ilə
nəticələnə bilər (Bölmə 6.1-ə baxın).
Avropa İnsan Hüquqları Konvensiyasına əsasən azadlıqdan məhrum etmə: Konvensiyanın 5(1)(a)-(f)
maddəsi ilə müəyyən edilmiş konkret məqsəd üçün əsaslandırılmalıdır; qanunla nəzərdə tutulmuş
prosedura uyğun həyata keçirilməlidir və əsassız olmamalıdır (Bölmə 6.3-ə baxın).
Avropa İttifaqı qanunvericiliyinə əsasən azadlıqdan məhrum etmə qanunauyğun (Bölmə 6.3-ə
baxın), zəruri və mütənasib (Bölmə 6.5-ə baxın) olmalıdır.
Avropa İttifaqı qanunvericiliyinə əsasən çıxarılmadan əvvəl saxlanılmanın maksimum müddəti altı ay
səviyyəsində müəyyən edilməlidir və bu müddət müstəsna hallarda maksimum 18 ayadək artırıla
bilər (Bölmə 6.6.4-ə baxın).
Həm Avropa İttifaqı qanunvericiliyinə, həm də Avropa İnsan Hüquqları Konvensiyasına əsasən hər
kəsin çıxarılma məqsədi ilə saxlanılması mütləq çıxarılmanın real perspektivlərindən irəli gəlməlidir
(Bölmə 6.6.3-ə baxın) və çıxarılma prosedurları zəruri ehtiyatlılıqla həyata keçirilməlidir (Bölmə 6.6.2-
ə baxın).
Azadlıqdan məhrum etmə Avropa İnsan Hüquqları Konvensiyasının saxlanılma səbəbləri barədə
məlumatlandırılma hüququna dair 5(2)-ci və saxlanılma barədə qərara məhkəmə tərəfindən
təxirəsalınmadan baxılma hüququna dair 5(4)-cü maddələrindəki prosedur təminatlarına uyğun
olmalıdır (Bölmə 6.8-ə baxın).
Həm Avropa İttifaqı qanunvericiliyinə, həm də İnsan Hüquqları Konvensiyasına əsasən azadlıqdan
məhrum etmə və ya hərəkət etmək azadlığının məhdudlaşdırılması digər insan hüquqları
təminatlarına uyğun olmalıdır, məsələn, saxlanılma şəraiti insan ləyaqətinə hörməti nəzərdə
tutmalıdır, şəxslərin sağlamlığı heç zaman təhlükə altına qoyulmamalıdır və həssas qruplara aid
şəxslərin xüsusi vəziyyəti ilə bağlı ehtiyaclar nəzərə alınmalıdır (Bölmə 6.7 və 6.9-a baxın).
Əsassız və qanunsuz saxlanılmış şəxs vurulmuş ziyana görə həm Avropa İttifaqı qanunvericiliyinə,
həm də İnsan Hüquqları Konvensiyasına əsasən kompensasiya tələb edə bilər (Bölmə 6.10-a baxın).
Əlavə presedentlər və ədəbiyyat
Əlavə presedentlərlə tanış olmaq üçün zəhmət olmasa bu vəsaitin 174-ci səhifəsində verilmiş təlimatlara
diqqət yetirin. Bu fəsildə nəzərdən keçirilmiş məsələlərə aid əlavə materiallarla vəsaitin 157-ci səhifəsindəki
"Əlavə ədəbiyyat" hissəsində tanış olmaq mümkündür.
120