1Tz4Pwy

Sığınacaq, Sərhəd və İmmiqrasiya Məsələlərinə dair Avropa Qanunvericiliyi üzrə Vəsait
Əsasnamələr). Burada əsas şərtlər işə götürülmüş üçüncü ölkə vətəndaşının üzv dövlətin ərazisində qanuni
əsaslarla yaşamasından və müvafiq üçüncü ölkədən kənarda və üzv dövlətdə qohumluq əlaqələrinin
olmasından ibarətdir. Bu Əsasnamələr yalnız bir üçüncü ölkədə və üzv dövlətdə qohumluq əlaqələri olan və
işə götürülmüş üçüncü ölkə vətəndaşlarını əhatə etmir.
b) Müəyyən kateqoriyalara aid üçüncü ölkə vətəndaşları üçün nəzərdə tutulmuş hüquqlar
Qəbuletmə şərtləri Direktivinə əsasən (2013/33/EU) sığınacaq axtaranlar sosial yardımdan istifadə etmək üçün
hansısa konkret bir hüquqa malik deyillər. Lakin Direktivin 17-ci maddəsi qəbuletmənin maddi aspektlərinin
mövcudluğuna aid ümumi normaları müəyyən edir və İrlandiya ilə Birləşmiş Krallığa şamil edilməyən 17(5)-ci
maddə isə maddi müavinətlərin və talonların məbləğinin müəyyən edilməsi yollarını göstərir.
Misal: 2012-ci il iyulun 18-də Almaniyanın Federal Konstitusiya Məhkəməsi (Bundesverfassungsgericht)
Almaniya tərəfindən sığınacaq axtaranlara verilən, lakin 19 il ərzində artırılmayan və ölkə Konstitusiyasının
1-ci maddəsinə əsasən layiqli yaşayışı təmin etmək üçün tələb olunan minimumu əhatə etməyən yardımın
artırılması barədə qərar çıxarmışdır. 423
Təsnif etmə Direktivinin 29-cu maddəsinə əsasən üzv dövlət öz vətəndaşları üçün təyin etdiyi sosial təminata
bərabər "zəruri sosial yardımın" qaçqınlara və əlavə himayə ilə təmin olunmuş şəxslərə verilməsini təmin
etməlidir. Lakin əlavə himayə statusuna malik olan şəxslər üçün nəzərdə tutulmuş yardım "əsas müavinətlər"
səviyyəsinədək azaldıla bilər. Direktivin 23(2)-ci maddəsi müvafiq müavinətlərin əlavə himayədən faydalanan
şəxslərin ailə üzvlərinə də şamil edilməsini nəzərdə tutur. İnsan alverinə qarşı Direktivin 11(7)-ci maddəsinə
uyğun olaraq üzv dövlətlərdən insan alveri qurbanlarının xüsusi ehtiyaclarının təmin edilməsi tələb olunur, 13-
cü maddə əsasında isə insan alverinin qurbanı olan uşaqların xüsusi ehtiyacları müəyyən edilir.
Uzunmüddətli yaşayış icazəsi Direktivinə əsasən uzunmüddətli yaşayış icazəsi olan statusu əldə etmiş şəxslər
Direktivin 11(1)(d) maddəsinə uyğun olaraq nəzərdə tutulmuş sosial təminat, yardım və müdafiə ilə əlaqədar
müvafiq üzv dövlətin vətəndaşları ilə bərabər səviyyədə rəftar olunma hüququna malikdirlər. Lakin sosial
yardım və müdafiə hüquqları əsas müavinətlər səviyyəsinədək məhdudlaşdırıla bilər.
Ailənin yenidən birləşməsi Direktivi üçüncü ölkə vətəndaşı olan zəmanətçinin ailə üzvləri üçün sosial
yardımdan istifadəni nəzərdə tutmur. Zəmanətçi üzv dövlətin sosial yardım sistemlərinə müraciət etmədən
özünü və öz ailə üzvlərini təmin etmək üçün kifayət qədər stabil və daimi resurslara malik olduğunu nümayiş
etdirməlidir (Direktivin 7(1)(c) maddəsi).
423
Almaniya Federal Konstitusiya Məhkəməsinin 56/2012 saylı (No. 56/2012), 18 iyul 2012-ci il tarixli qərarı.
148