1Tz4Pwy

Sığınacaq, Sərhəd və İmmiqrasiya Məsələlərinə dair Avropa Qanunvericiliyi üzrə Vəsait
Əsas məqamlar
Avropaya və Avropa daxilində miqrasiya prosesləri milli qanunların, Avropa İttifaqı qanunlarının, Avropa
İnsan Hüquqları Konvensiyasının, Avropa Sosial Xartiyasının və Avropa dövlətlərinin öz üzərinə
götürdükləri öhdəliklərin ahəngliyi hesabına tənzimlənir.
Avropa İnsan Hüquqları Konvensiyasını pozan dövlət orqanının əməlləri və ya xətaları barədə şikayətlər
Avropa Şurasına üzv olan 47 dövlətin hər biri barədə verilə bilər. Bu ölkələr siyahısına Avropa İttifaqına üzv
olan 28 dövlətin hamısı daxildir. Avropa İnsan Hüquqları Konvensiyası 47 dövlətin hər birinin
yurusdiksiyasında olan bütün şəxsləri onların vətəndaşlığından və ya yaşayış statusundan asılı olmayaraq
müdafiə ilə təmin edir.
Avropa İnsan Hüquqları Konvensiyasının 13-cü maddəsi dövlətlərdən bu Konvensiyaya əsasən edilmiş
şikayətlərlə əlaqədar milli səviyyədə səmərəli hüquqi müdafiə vasitələrinin təmin olunmasını tələb edir. Avropa
İnsan Hüquqları Konvensiyası kontekstində başa düşülən təşəbbüsün müvafiq dövlət orqanlarına həvalə
edilməsi prinsipi bu Konvensiyaya uyğunluğun təmin edilməsi məsuliyyətini ilk növbədə dövlətlərin üzərinə
qoyaraq ən son çıxış yolu kimi Avropa İnsan Hüquqları Məhkəməsinə müraciət etməni nəzərdə tutur.
Avropa İttifaqı qanunvericiliyini pozan Avropa İttifaqına üzv olan dövlətin əməlləri və ya xətaları barədə
şikayətlər Avropa İttifaqı qanunvericiliyinin düzgün tətbiq edilməsi öhdəliyini öz üzərinə götürmüş və
Avropa İttifaqının əlaqədar qanunvericilik aktının təfsir edilməsinə və ya hüquqi qüvvəsinə dair ilkin qərar
qəbul etmək üçün Avropa İttifaqı Ədalət Məhkəməsinə müraciət edə bilən (bəzi hallarda isə bunu mütləq
etməli olan) milli məhkəmələrə təqdim oluna bilər.
20