1Tz4Pwy

Sığınacaq, Sərhəd və İmmiqrasiya Məsələlərinə dair Avropa Qanunvericiliyi üzrə Vəsait
Avropa İttifaqının üzv dövlətlərindən sığınacaq axtaranları onların səhhətinə uyğun yaşayış
standartları ilə və gündəlik güzaranlarına münasib standartlarla təmin edilməsi tələb olunur.
Dövlət orqanları tərəfindən şəxsin yaşayış yeri seçmək hüququna hörmət etməməsi Avropa İnsan
Hüquqları Konvensiyasının 8-ci maddəsinə əsasən məhkəmə araşdırmalarına səbəb ola bilər. Ən ağır
vəziyyətlərdə sığınacağın verilməməsi məsələsinə Avropa İnsan Hüquqları Konvensiyasının 3-cü
maddəsi əsasında məhkəmədə baxıla bilər.
Avropa Sosial Xartiyası bir sıra əlavə hüquqların təmin edilməsinə yol açan yaşayış yeri seçmək
hüququnu nəzərdə tutur.
Sağlamlığın qorunması hüququ (Bölmə 8.5-ə baxın)
Yaşadıqları Avropa İqtisadı Zonası dövlətində milli səhiyyə sistemindən istifadə etmək hüququ olan
şəxslər bu Zonanın başqa bir dövlətinə və İsveçrəyə səfər etdikdə həmin dövlətin səhiyyə
normalarından faydalana bilərlər.
Avropa İttifaqı qanunvericiliyinə əsasən qaçqınlar qaldıqları üzv dövlətin vətəndaşları ilə tibbi
xidmətlərdən bərabər səviyyədə istifadə etmək, sığınacaq axtaranlar və çıxarılmaları təxirə salınmış
qanunsuz yaşayan miqrantlar isə təcili tibbi yardım və təxirə salınmaz müalicə almaq hüquqlarına
malikdirlər.
Avropa İnsan Hüquqları Konvensiyasında sağlamlığın qorunmasına dair xüsusi müddəalar nəzərdə
tutulmasa da Avropa İnsan Hüquqları Məhkəməsi bu səpkidən olan şikayət ərizələrinə Konvensiyanın
2, 3 və ya 8-ci maddələri əsasında baxa bilər.
Avropa Sosial Xartiyası qanunsuz yaşayan miqrantların tibbi yardım almaq hüququnu təmin edir.
Sosial təminat və yardım hüququ (Bölmə 8.6-ya baxın)
Avropa İttifaqı qanunvericiliyinə əsasən hərəkət etmək azadlığı çərçivəsində əmək fəaliyyəti ilə
əlaqədar üzv dövlətlər arasında hərəkət etməli olan üçüncü ölkə vətəndaşlarının sosial təminat və
yardım hüquqlarını təmin edən kompleks qanunvericilik bazası işlənib hazırlanmışdır.
Avropa İnsan Hüquqları Konvensiyasına əsasən əcnəbinin sosial yardımdan və ya başqa müavinətdən
məhrum edilməsi onun müvafiq sistemə ödənişlər edib-etməməsindən asılı olmayaraq ayrı-seçkilik
məsələsinin baxılmasına yol aça bilər.
Avropa Sosial Xartiyası ehtiyacları olan, o cümlədən, qeyri-qanuni vəziyyətdə olan şəxslər üçün sosial
yardımın təmin edilməsini nəzərdə tutur.
Əlavə presedentlər və ədəbiyyat
Əlavə presedentlərlə tanış olmaq üçün zəhmət olmasa bu vəsaitin 174-ci səhifəsində verilmiş təlimatlara
diqqət yetirin. Bu fəsildə nəzərdən keçirilmiş məsələlərə aid əlavə materiallarla vəsaitin 157-ci səhifəsindəki
"Əlavə ədəbiyyat" hissəsində tanış olmaq mümkündür.
150