1Tz4Pwy

Buna oxşar qaydada Avropa İttifaqının üzv dövlətləri ilə Albaniya arasındakı Stabilləşmə və Əməkdaşlıq
Sazişinin 80-ci maddəsi 383 müəyyən edir ki, "miqrasiya məsələlərinə gəldikdə, Saziş Tərəfləri öz ərazilərində
qanuni əsaslarla yaşayan digər Saziş Tərəflərinin vətəndaşları ilə ədalətli şəkildə rəftar etmək və onların hüquq
və vəzifələrinin öz vətəndaşları ilə müqayisə olunan səviyyədə təmin edilməsi məqsədi daşıyan inteqrasiya
siyasətini təşviq etmək barədə razılığa gəlirlər."
Rusiya ilə bağlanmış Tərəfdaşlıq və Əməkdaşlıq Sazişinin 23-cü maddəsi 384 əmək şəraiti ilə əlaqədar nisbətən
məhdud tərzdə müəyyən edir ki "hər bir üzv dövlətdə tətbiq edilən qanunlardan, şərtlərdən və prosedurlardan
asılı olaraq Avropa İttifaqı və onun üzv dövlətləri üzv dövlətin ərazisində qanuni əsaslarla əmək fəaliyyəti ilə
məşğul olan Rusiya vətəndaşlarına göstərilən rəftarın öz vətəndaşlarına göstərilən rəftarla müqayisədə və iş
şəraiti, əməyin ödənilməsi və ya işdən azad olunma ilə əlaqədar vətəndaşlıq zəminində ayrı-seçkiliyin hər hansı
bir formasından azad olduğunu təmin etməlidirlər."
Misal: Simutenkovun işi 385 İspaniyanın futbol klublarından birində peşəkar futbolçu həyatı yaşayan və bu
ölkədəki qaydalara görə vətəndaşlığı səbəbindən oynamaq imkanları məhdudlaşdırılan Rusiya vətəndaşı ilə
əlaqədar idi. Avropa İttifaqı Ədalət Məhkəməsi üzv dövlətlərin idman federasiyaları tərəfindən işlənib
hazırlanmış və milli səviyyədə təşkil olunan yarışlarda klubların Avropa İqtisadi Zonası Müqaviləsinin tərəfi
olmayan ölkələrdən yalnız məhdud sayda oyunçuların meydana buraxmasına icazə verən qaydaları
qiymətləndirərək yuxarıda qeyd olunan 23-cü maddə ilə təsbit olunmuş və ayrı-seçkiliyi qadağan edən
normaları təfsir etmişdir. Nəticədə Məhkəmə həmin qaydaların 23(1)-ci maddənin məqsədinə uyğun
gəlməməsi qənaətinə gəlmişdir.
8.2.7. Sığınacaq axtaran şəxslər və qaçqınlar
Qəbuletmə şərtləri Direktivinin 15-ci maddəsi (2013/33/EU) əgər sığınacaq ərizəsi ilə əlaqədar birinci
instansiyanın qərarı doqquz ay və ya İrlandiya ilə Birləşmiş Krallıq üçün bir il ərzində qəbul edilməyibsə və
müvafiq üzv dövlət üçün sözügedən Direktivin 2003-cü il variantının (2003/9/EC) 11-ci maddəsi hələ də
qüvvədədirsə, yəni "baş verən ləngimənin səbəbləri iddiaçıdan asılı deyilsə", üzv dövlətlərdən sığınacaq
axtaranların əmək bazarına çıxışı üçün icazənin verilməsini tələb edir. Əmək bazarına çıxış üçün icazənin
verilməsi şərtləri milli qanunvericiliyə əsasən müəyyən edilməli olsa da, bu şərtlər sığınacaq axtaranların əmək
bazarına səmərəli çıxışını təmin etməlidirlər. Lakin istənilən halda üstünlük Avropa İqtisadi Zonası
vətəndaşlarına və Avropa İttifaqı ərazisində qanuni əsaslarla yaşayan digər üçüncü ölkə vətəndaşlarına
verilməlidir.
Təsnif etmə Direktivinin (2011/95/EU) 26(1) və (3)-cü maddələri qaçqınların və əlavə himayə ilə təmin olunan
şəxslərin Avropa İttifaqında işə düzəlmək və fərdi əmək fəaliyyəti ilə məşğul olmaq hüququnu tanıyır. Onların
ixtisaslarının tanınması üçün ölkə vətəndaşlarına tətbiq olunan prosedurdan istifadə edilməlidir. Bundan
başqa, Təsnif etmə Direktivinin 28-ci maddəsi əlaqədar şəxsin öz əvvəlki ixtisasına aid sənədli sübutların
təqdim etməsi mümkün olmadığı təqdirdə onun ilkin təlimlərdə iştirakını təmin etmək üçün müvafiq
tədbirlərin görülməsini nəzərdə tutur. Bu normalar "Qaçqınların statusu haqqında" Cenevrə Konvensiyasının
17, 18, 19 və 22(2)-ci maddələrindən irəli gəlir. Eyni zamanda, bu Direktiv sözügedən şəxslərin üzv dövlətlərin
vətəndaşları üçün tətbiq edilən şərtlər əsasında peşə təlimlərində iştirakının təmin edilməsi öhdəliyini də üzv
dövlətlərin üzərinə qoyur.
8.2.8. Qeyri-qanuni vəziyyətdə olan miqrantlar
Bir çox sosial hüquqdan istifadə etmə dərəcəsi qəbul edən dövlətdə qanuni əsaslarla olmaqdan və ya
yaşamaqdan asılıdır. Avropa İttifaqı iqtisadi miqrantların öz ərazisinə gəlməsi və bu ərazidə olmasının qarşısını
383
Bir tərəfdən Avropa İttifaqı və onun üzv dövlətləri, digər tərəfdən isə Albaniya Respublikası arasında bağlanmış və 2009-cu il aprelin 1-
də qüvvəyə minmiş Stabilləşmə və Əməkdaşlıq Sazişi, OJ 2009 L107, səh. 166.
384
Bir tərəfdən Avropa İttifaqı və onun üzv dövlətləri, digər tərəfdən isə Albaniya Respublikası arasında bağlanmış, tərəfdaşlıq səviyyəsini
müəyyən edən və 1997-ci il dekabrın 1-də qüvvəyə minmiş Tərəfdaşlıq və Əməkdaşlıq Sazişinin 3-cü səhifəsi, OJ 1997 L327.
385 İqor Simutenkovun Ministeria de Educacion-a və Real Federacion Espanola de Futbol-a qarşı (Igor Simutenkov v. Ministerio de
Educación y Cultura and Real FederaciónEspañola de Fútbol) Avropa Ədalət Məhkəməsindəki C-265/03 [2005] I-02579 saylı, 12
aprel 2005-ci il tarixli işinin 41-ci paraqrafı.
137