1Tz4Pwy

Sığınacaq, Sərhəd və İmmiqrasiya Məsələlərinə dair Avropa Qanunvericiliyi üzrə Vəsait
olunmasını gözləmədən dövlət orqanı tərəfindən başlanmasından ibarətdir. İyerarxiya, səlahiyyət bölgüsü və
təcrübə baxımından araşdırma baş vermiş hadisə ilə heç bir əlaqəsi olmayan əməkdaş və ya orqan tərəfindən
aparılmalıdır. 345
Əsas məqamlar
Təhlükəsiz və insan ləyaqətinə hörmət etməklə həyata keçirilməli olan çıxarılmalar zamanı əlaqədar
şəxsin ləyaqəti müdafiə olunmalıdır (Bölmə 7.1-ə baxın).
Əlaqədar şəxslər onların fiziki və psixi durumu nəzərə alınmaqla yola çıxmaq üçün yararlı vəziyyətdə
olmalıdırlar (Bölmə 7.1-ə baxın).
Uşaqlar, həmçinin intihar etmək və ya özünə bədən xəsarəti yetirmək riski altında olan şəxslər də daxil
olmaqla həssas vəziyyətdə olan insanlara xüsusi qayğı göstərilməlidir (Bölmə 7.1-ə baxın).
Avropa İttifaqı qanunvericiliyinə əsasən üzv dövlətlər səmərəli geri qaytarılma monitorinq sistemini təşkil
etməyə borcludurlar (Bölmə 7.1-ə baxın).
Geri qaytarılma Direktivi müşayiət olunmayan azyaşlıların yalnız ailə üzvlərinə, təyin edilmiş qəyyumlarına və
ya münasib qəbul etmə müəssisələrinə geri qaytarılmasını nəzərdə tutur (Bölmə 7.1-ə baxın).
Sığınacaq prosesi zamanı əldə olunmuş informasiyanın məxfiliyi təmin olunmalıdır (Bölmə 7.2-yə baxın).
Həm Avropa İttifaqı qanunvericiliyinə, həm də Avropa İnsan Hüquqları Konvensiyasına əsasən məcburedici
tədbirlərdən hər hansı istifadə məntiqəuyğun, zəruri və mütənasib olmalıdır (Bölmə 7.3-ə baxın).
Avropa İnsan Hüquqları Konvensiyasına əsasən dövlət orqanlarından hədsiz fiziki gücdən istifadə ilə bağlı
mübahisəli iddiaların araşdırılması tələb olunur (Bölmə 7.4-ə baxın).
Əlavə presedentlər və ədəbiyyat
Əlavə presedentlərlə tanış olmaq üçün zəhmət olmasa bu vəsaitin 174-ci səhifəsində verilmiş təlimatlara
diqqət yetirin. Bu fəsildə nəzərdən keçirilmiş məsələlərə aid əlavə materiallarla vəsaitin 157-ci səhifəsindəki
"Əlavə ədəbiyyat" hissəsində tanış olmaq mümkündür.
345 Finukeynin Birləşmiş Krallığa qarşı (Finucane v. the United Kingdom) Avropa İnsan Hüquqları Məhkəməsindəki 29178/95 saylı, 1 iyul
2003-cü il tarixli işinin 68-ci paraqrafı.
126