Samo sonceto e postaro od Makedonija II

14.11.2015
Ѓорѓија Џорџ Атанасоски
Komentar
СОЧУВСТВО ДО СЕМЕЈСТВАТА
НА ЖРТВИТЕ НА
ТЕРОРИСТИЧКИОТ НАПАД
ВО ПАРИЗ
P
ретседателот на Македонската Алијанса, Ѓорѓија Џорџ Атанасоски,
кој во моментот се наоѓа во САД, во врска со грозоморниот
терористички напад во Париз во кој беа убиени повеќе од 150,
а повредени 200 лица, ја упати следната писмена изјава:
Во името на Македонската Алијанса, и како претставник на
Македонската Дијаспора, се приклучувам кон сите оние кои го изразија своето
најдлабоко сочувство кон семејствата на жртвите.
Најостро го осудувам ова злосторство, кое во 21 век, директно и брутално ги загрози
највисоките цивилизациски дострели и придобивки, универзалното право на
слободен и безбеден живот.
Зачестените терористички напади, недвосмислено ќе влијаат врз дополнително
ширење на анти-муслиманското расположение во Франција, Западна Европа, но
и генерално во светот, што секако не е добро, бидејќи стремежот на сите нации е
обединување, преку надминување на верските разлики во интерес на економскиот
развој и напредок. Особено, што ова се случува во екот на најголемата бегалска,
мигрантска криза, заради која се очекува солидарност од Европските земји за
илјадниците бегалци кои доаѓаат од Сирија.
Јасно е дека и најразвиените Држави и безбедносни системи не можат да бидат
имуни на тероризмот како растечко глобално зло.
Искрено верувам дека овој грозоморен терористички напад на ИСИС, ќе влијае
отрезнувачки за клучните светски фактори, кои мораат да ги надминат разликите
и преку заеднички изградена стратегија да го спасат човештвото од ова зло, кое се
заканува да добие карактеристики на епидемија.
Овде во САД и после 14 години, се уште се свежи сеќавањата од нападите на 11
септември 2001 година, во кои загинаа над три илјади луѓе.
Тогашните настани, злосторството во Париз, впрочем како и сите останати
терористички акти кои постојано се случуваат на земјината топка, треба да не држат
будни, да влијаат кон зацврстување на глобалната коалиција за спречување на
ваквите напади, бидејќи опасноста од тероризмот постојано демне.
Makedonska alijansa
Pretsedatel
\or|ija - Xorx Atanasoski
108
George Atanasoski