Samo sonceto e postaro od Makedonija II

Komentar 27.11.2017
P
о
ПИСМЕНА РЕАКЦИЈА
ЗА ИНТЕРВЈУТО
НА ЈАНИС БУТАРИС
ЗА АВСТРИСКИ „КУРИЕР“
повод последното интервју на Градоначалникот на Солун, Јанис Бутарис, кој после
посетата на Македонија за Австрискиот весник „Куриер“ изјави дека од средбата со
Премиерот Зоран Заев се уверил дека тој сака компромис за името со предлози како
Република Нова Македонија или Северна Македонија, што е шанса за Македонија
да влезе во НАТО Алијансата и да си најде нов идентитет, притоа потенцирајќи
дека Грција никогаш нема да го прифати Уставното име Република Македонија,
Претседателот на Македонската Алијанса, Ѓорѓија Џорџ Атанасоски, ја упатува
следната реакција:
Од последното интервју на Јанис Бутарис за Австрискиот весник „Куриер“ можеме уште еднаш да се увериме
во политиката на две лица на Грчките политичари. Радикали за дома, демократи за надвор. Пред Грчката
јавност се закануваат со блокади и уцени, а со мерките за градење доверба со Македонија си градат алиби пред
меѓународната заедница. Градоначалникот на Солун при посетата на Скопје немаше проблем со Уставното име
на Република Македонија, за да после една недела јавно ги прокламира иредентистичките ставови на Грчките
националисти. Ова не е прв пат. Летото 2016 година од Охрид во интервју за една Македонската телевизија
истиот Јанис Бутарис ја призна посебноста и уникатноста на Македонскиот национален идентитет. Исто така и
функционерите на „Сириза“, Јанис Музалас и Макис Балаурас, јавно потврдија дека Македонија е реалност, за да
после страшниот притисок на Грчките радикали и јавност мораа самите да се демантираат.
Јанис Бутарис ја повторува горката вистина дека Грција никогаш нема да се согласи да го признае нашето
Уставно име и дека бара од Македонскиот народ да си најде нов идентитет!
Клучното прашање е во чие име и со кој мандат актуелниот Премиер Зоран Заев се впуштил во лицитација на
нови имиња на Државата? Доколку Јанис Бутарис не ја говори вистината Владата треба веднаш да демантира?
Во спротивно Македонскиот народ сака објаснување зошто актуелното политичко раководство на Татковината
се раздава со Македонскиот национален идентитет?
Македонската Алијанса одамна предупредува дека тезите за наводна подготвеност на официјална Атина
да попушти од своите црвени линии заради конструктивноста на Владата на Република Македонија се бајки
за внатрешна употреба. Историјата кажува се. Сменивме Устав, го отстранивме сонцето од Кутлеш од знамето,
прифативме срамна референца ПЈРМ, потпишавме Времена Спогодба, а Грција не попушта ни милиметар.
Добивме вето во 2008 за што Грција е осудена земја од Меѓународниот Суд во Хаг и никој не може да ја натера
да ја спроведе пресудата. Затоа, бадијала актуелната Влада на Зоран Заев, Никола Димитров и Бујар Османи ќе
отстранува споменици, ќе преименува аеродроми, автопатишта, ќе се дистанцира од античките корени.
Повторно ќе се понижува Македонскиот народ, а на крај тоа ништо суштински нема да смени во позициите на
официјална Атина.
Жалиме што заради незрелоста на најодговорните Македонски политички партии, кој упорно заради лични
и тесно партиски интереси, или заради уцени, не сакаат да изградат национален консензус, Јанис Бутарис, не се
уверил дека во Македонија ниту еден политичар или партија никогаш нема да се согласи на промена на светото
Македонско име и идентитет.
Ние сме уверени дека сега е моментот да се прекинат преговорите. Секој чекор понатаму е влез во замка
од која Македонија и Македонскиот народ ќе излезат како губитници. Следи многу чувствителен период за
Татковината. Тие што евентуално тргнале да прават есап за велепредавство да не се лажат дека ќе го прелажат
Македонскиот народ! Единствен суверен владетел на Македонскиот национален идентитет, јазик, култура,
посебност и име е Македонскиот народ и никој друг.
Makedonska alijansa
Pretsedatel
\or|ija - Xorx Atanasoski
Ѓорѓија Џорџ Атанасоски
383
George Atanasoski