Samo sonceto e postaro od Makedonija II

13.07.2015
Komentar
СООПШТЕНИЕ ЗА ЈАВНОСТ ВО ВРСКА СО НОВАТА
ПРЕСУДА НА ЕВРОПСКИОТ СУД КОЈ ГО ПОТВРДИ
НЕСПОРНОТО ПРАВО НА МАКЕДОНЦИТЕ ВО ГРЦИЈА
ДА ГО РЕГИСТРИРААТ ЗДРУЖЕНИЕТО
„ДОМ НА МАКЕДОНСКА КУЛТУРА“ ВО ЛЕРИН
V
о врска со новата пресуда на Европскиот Суд за човекови права од Стразбур,
со која уште еднаш, по втор пат, се констатираше дека Грција во случајот со
повеќе децениското бесправно блокирање на регистрацијата на Здружението
„Дом на Македонската култура“ во Лерин, грубо го прекршила членот 11 од
Европската конвенција за човекови права, која директно се однесува на
правото на слободно здружување, Претседателот на Македонската Алијанса,
Ѓорѓија Џорџ Атанасоски, го соопштува следниот став:
Македонската Алијанса ја поздравува новата пресуда на Европскиот Суд за човекови права кој уште
еднаш констатираше дека нашите браќа и сестри Македонци кои живеат надвор од границите на
Татковината, имаат универзално демократско право слободно да се здружуваат, да ја промовираат
Македонската култура и традиција, во согласност со Европските вредности на кои е основана Европската
Унија, а чиј полноправен член е соседна Грција.
Ваквата пресуда е уште едно охрабрување за Македонците кои со децении ја водат битката за остварување
на основните права на самоопределување и заштита на вековното Македонско име и идентитет.
Македонската дијаспора силно верува дека сме на вистинскиот пат, преку демократски средства да се
избориме за нашето неспорно право да бидеме Македонци од Македонија, без разлика каде се наоѓаме,
живееме или работиме!
Истовремено, Европскиот Суд за човекови права испрати уште една порака за Грчките политички
елити, директно покажувајќи дека не ги одобрува нивните националистички политики со
кои се негира постоењето на Македонците како народ.
Едноставно, за сите високо развиени демократии крајно неприфатливо е целосно нелогичното образложение
на Грчките Судови, дека регистрацијата на еден „Дом на Македонската култура“ во Лерин
може да биде закана за јавниот ред и мир.
Македонската Алијанса смета дека новата пресуда на Европскиот Суд е прв тест за таканаречените
пакет мерки за градење доверба меѓу Грција и Македонија. Ова пресуда е добра основа да видиме дали
иницијативата на новата Грчка Влада на Алексис Ципрас за градење доверба се вистински искрени или се
обичен маневарски потег за ширење лажна конструктивност, која многу повеќе е насочена кон
омекнување на Европските кредитори, отколку кон Република Македонија.
Ова е шанса за новите политички сили во Грција да покажат на дело дека се способни да
се менуваат во духот на Европските вредности и да ја прифатат реалноста за постоењето
на Македонскиот народ кој има своја матична држава Република Македонија. Конечно,
сигурни сме дека регистрацијата на Здружението „Дом на Македонската култура“ во Лерин
ќе биде позитивно прифатено од Грчкиот народ кој е веќе заморен од националистичката
политика на нивните политичари која очигледно била само еден вид маска за погрешните
економски политики кои го доведоа нашиот јужен сосед на работ на амбисот.
Ѓорѓија Џорџ Атанасоски
Makedonska alijansa
Pretsedatel
\or|ija - Xorx Atanasoski
60
George Atanasoski