Samo sonceto e postaro od Makedonija II

„Многу сум горд што кај него ја чувствувам
определбата да не прави разлика меѓу Македонија
и САД, и двете земји подеднакво да ги
доживува како свои природни огништа. Искрено
верувам дека примерот на Николас, во актуелните
околности е вистински патриотски чин
кон земјата на својот татко, кој, тој со конкретни
дела и чекори покажува дека без никакви предрасуди
ја чувствува како своја“ вели Џорџ.
ЗАЛОЖБА ЗА ТАТКОВИНАТА
Негово професионално мото е дека економски силна и стопански развиена Македонија
е најдобрата стратегија за создавање на вистински силна држава. Затоа, како успешен
бизнисмен чувствува обврска да инвестира сериозни финансиски ресурси во развојот на
својата земја.
„Само во родниот Прилеп, со инвестициите во „Жито
Прилеп“, хотелите „Липа“ и комплексот „Сонце ГА“, во чиј
рамки има хотел, ресторан, отворен базен и бензинска
пумпа, имаме вработено околу 250 луѓе, што само по себе
говори за нашата сериозност во намерите и во иднина да го
развиваме капиталот во земјава“.
Со компаниите во Македонија, менаџира неговиот син Николас, кој иако има само 21
година, веќе е одлично упатен во бизнисот и успешно се снаоѓа во македонските услови.
Останатите три сина живеат и работат во САД.
Покрај ова, уште во 1994 година Атанасоски го ко-финансира и организира, првиот
светски неделник „Македонско Сонце“ како независен медиум. Ја финансира изградбата и
развојот на „ТВ Сонце“ која од 2008 година доби концесија за национална сателитска
телевизија, која емитува сопствена програма од изворно македонско потекло.
„Помагам на сите медиуми од дијаспората, кои се
базираат врз афирмација на домашните вредности во
Македонија и во светот, поточно секаде каде што живеат
и работат Македонци. Силно верувам во мојата таковина
и сметам дека ние македонците имаме право на целосно
обединување, бидејќи сме древна земја, која има потенцијал
да се грижи и да го негува достоинството на сите
Македонци во светот“.
Ѓорѓија Џорџ Атанасоски
39
George Atanasoski