Samo sonceto e postaro od Makedonija II

11.03.2016
Ѓорѓија Џорџ Атанасоски
Komentar
СООПШТЕНИЕ ЗА ЈАВНОСТ
ЗА РЕЗОЛУЦИЈАТА НА
ЕВРОПСКИОТ ПАРЛАМЕНТ
ЗА МАКЕДОНИЈА
P
ретседателот на Македонската Алијанса, Ѓорѓија Џорџ Атанасоски, по повод
усвоената Резолуција за Македонија од страна на Европскиот Парламент, го
соопштува следното:
Македонската Алијанса ја поздравува Резолуцијата за Македонија, со која
Европскиот Парламент уште еднаш го потврди опстојувањето на Татковината на
стратешкиот колосек, кое беше констатирано и со последниот Извештај на Европската
Комисија од ноември минатата година. Без разлика што е условена со слободни и фер демократски избори,
Резолуцијата на Европскиот Парламент е верификација на волјата и желбата на големиот процент на граѓани
кои ја гледаат иднината на Македонија преку Евроатланските интеграции на земјата.
За жал, и оваа Резолуција на Европскиот Парламент во голема мера не се разликува од претходните, по
прашањето на политиките на блокади, уцени од официјална Атина, поврзани со ирационалниот спор кој
веќе со децении ни е наметнат од нашиот јужен сосед, заради што е блокирано нашето членство во
Европската Унија.
Европскиот Парламент со Резолуцијата уште еднаш го реафирмира ставот на Унијата дека разрешницата
на политичката криза се гледа исклучиво преку исполнување на сите превземени обврски од политичкиот
протокол од „Пржино“. Пораката е јасна, во Македонија на 5 јуни, е неопходно да се одржат фер, слободни
и демократски предвремени парламентарни избори, а резултатот ќе мора да биде прифатен од сите
политички партии, со што конечно ќе се расчистат сите сомнежи и обвинувања за наводни изборни
нерегуларности.
Клучните политички фактори треба да ги земат предвид и критиките на Европскиот Парламент и преку
соодветни институционални реформи да се создадат предусловите за понатамошен демократски развој
на Татковината.
Дополнително, за сите наводи и сомневања што произлегоа од таканаречените “бомби“, кои ги објавуваше
опозицијата, сметаме дека Специјалното Обвинителство, а особено Судот, во конкретните случаи
мора во објективна и непристрасна постапка, целосно почитувајќи ги Уставните темелни вредности
како владеењето на правото и пресумпцијата на невиност, подеднакво да ги расчистат и околностите под
кои е прислушувано, но и сите евентуални индиции за наводно сторен криминал. На таков начин граѓаните
ќе ја вратат довербата во Државните институции.
Македонската Алијанса силно верува дека Татковината ќе излезе
посилна од оваа политичка криза, која мора конечно да заврши, за да се
посветиме на вистинските приоритети и стратешки определби.
Истовремено, очекуваме Европската Унија да ги надмине своите
системски слабости, и не само декларативно, туку и со конкретни
чекори, да ги стимулира и вреднува напорите на Македонскиот народ за
Евроатланските интеграции на Македонија.
Makedonska alijansa
Pretsedatel
\or|ija - Xorx Atanasoski
144
George Atanasoski