Samo sonceto e postaro od Makedonija II

Komentar 09.05.2016
ПИСМЕНА РЕАКЦИЈА ЗА
НОВАТА ПРОВОКАЦИЈА ОД
ГРЧКИОТ ПРЕТСЕДАТЕЛ
ПРОКОПИС ПАВЛОПУЛОС
V
о врска со новата провокација на Грчкиот Претседател, Прокопис Павлопулос, кој при
посетата на гробницата од Античка Македонија во Негуш, ги повтори своите обвинувања
кон Македонија, Претседателот на Македонската Алијанса, Ѓорѓија Џорџ Атанасоски, ја
упатува следната реакција:
Во името на Македонската Алијанса и Македонската Дијаспора изразувам жалење што
Прокопис Павлопулос, како Претседател на земја членка на ЕУ и НАТО, речиси во секоја
прилика, особено по прашањето на Македонија, директно и грубо ги прекршува сите фундаментални принципи на
кои почиваат Унијата и Алијансата. Почнува да наликува на напредната опсесија и паника, кога на секој поважен
настан, Грчкиот Претседател Павлопулос не пропушта да ја нападне Македонија со тешка националистичка реторика.
Прво, со ветото на Самитот на НАТО во Букурешт во 2008 година, Грција го сврти грбот на САД, затоа што тогашната
Американска администрација, на чело со Претседателот Џорџ Буш, инсистираше Македонија да стане полноправен
член на Алијансата. Со таквиот нерационален потег, Грција ја загрози својата доверба, а Македонија потпиша стратешко
- безбедносен билатерален договор со САД. Уште повеќе, секоја нова закана од Грчка страна придонесува за
зголемување на бројот на наши меѓународни сојузници кои се повеќе се убедени дека Грчките политички елити веќе
со децении неправедно ја блокираат Македонија, што е потврдено и со пресудата на Меѓународниот Суд во Хаг.
Второ, по однос на обвинувањата дека ние наводно сме ја фалсификувале Грчката историја, сме промовирале
иредентизам, на Грчкиот Претседател, му го порачувам следното, сакал или не Павлопулос, Македонија како суверена
и самостојна Држава ги ужива истите универзални демократски права како и сите останати меѓународно признати
Држави во светот. Имаме потполно право да имаме сопствен јазик, култура, идентитет и Уставно име – Република
Македонија, кое реферира на нашето историско наследство. Притоа, никогаш ниту сме имале ниту ќе имаме проблем
ако некоја друга земја, регион, општина, како на пример Грција, го користи името Македонија како сопствен топоним.
Ние, за разлика од националистите во Грција, не преферираме монопол за името Македонија.
Трето, Претседателот на Грција нема никаков кредибилитет да обвинува за варварски однос кон бегалците, кога
токму Грчки НВО активисти во соработка со Грчката полиција, злоупотребувајќи ги тажните судбини на бегалците, за
да и наштетат на Македонија, делејќи флаери на арапски јазик и мапи ги подучуваа бегалците како илегално да влезат
на нашата територија. Таквиот обид за упад во Македонија, тројца бегалци, меѓу кои и една бремена жена, го платија со
своите животи. Ние не можеме да бидеме виновни што Грција се однесува неодговорно кон бегалците и не ги
почитуваат мерките на Европската Унија за справување со бегалската криза. За разлика од нив, Македонија покажа
дека е стабилен партнер и целосно го заслужува полноправното членство во Европската Унија и НАТО Алијансата.
Македонската Алијанса уште еднаш ја повикува официјална Атина да отстапи од ирационалната
политика што ја води спрема Македонија. Македонскиот народ никогаш нема да се согласи со
промена на Уставното име и никогаш нема да се откаже од сопствениот идентитет. Нема потреба
од продолжување на негаторската политика. Впрочем, секој здраво разумен Грчки политичар,
интелектуалец, како и мнозинството Грчки граѓани знаат дека Уставното име на Македонија е суверено
право на Македонскиот народ, а повеќедеценискиот спор – чист апсурд.
Конечно, го повикувам Прокопис Павлопулос, да го следи примерот на Грчкиот Министер за
миграциска политика, Јанис Музалас, кој потврди дека сепак Грчките политичари се свесни дека
Македонија е реалност како нивна соседна, независна, суверена и мирољубива Држава.
Makedonska alijansa
Pretsedatel
\or|ija - Xorx Atanasoski
Ѓорѓија Џорџ Атанасоски
163
George Atanasoski