Samo sonceto e postaro od Makedonija II

21.04.2016
Komentar
Ѓорѓија Џорџ Атанасоски
ПИСМЕНА ИЗЈАВА – ЈАВЕН ПОВИК
ЗА КОНЕЧНА РАЗРЕШНИЦА
НА ПОЛИТИЧКАТА КРИЗА
V
о врска со откажувањето на состанокот во Виена, на кој требаше да се бара излез од
политичката криза, Претседателот на Македонската Алијанса, Ѓорѓија Џорџ Ата насоски,
го изјавува следното:
Во името на Македонска Алијанса и целата Македонска Дијаспора изразувам длабока
загриженост за драматичниот развој на политичката криза која предолго ја окупира Татковината
и нашиот народ. Воопшто не навлегувајќи во мотивите, јасно е дека непромислениот
потег на Претседателот Ѓорге Иванов наместо да го олесни решавањето, уште повеќе ја продлабочи
политичката криза, која се прелеа на улиците со протести, кои се на работ да се претворат во судир на народ со
народ.
За жал, лидерите на политичките партии имаат се помалку слух за апелите на нашите меѓународни сојузници
и се повеќе се затвораат во своите партиски ровови, водејќи се од нивните дневно политички проценки, без да
се фокусираат на долгорочната иднина на Татковината. Вистински показател за тоа до каде сме ја дотуркале
Државата е откажувањето на состанокот во Виена, кој требаше да ги врати политичките лидери на преговарачка
маса на која единствено може да се најде разумен излез од долготрајната политичка криза.
Ние не смееме да дозволиме САД и ЕУ да дигнат раце од нас!
Ја користам оваа прилика да апелирам до сите граѓани во Татковината, без разлика на политичка, верска или
етничка припадност, да се воздржат од обидите да се потценат или злоупотребуваат напорите на нашите
меѓународни сојузници САД и ЕУ да и помогнат на Македонија да се врати на вистинскиот колосек. Никогаш не
сум верувал дека нивниот интерес за состојбите во Македонија може да биде во функција на заземање нечија
страна. Напротив, сметам дека нашите меѓународни сојузници се повеќе загрижени за иднината на нашата
Татковина од нас самите.
Татковината треба час поскоро да излезе од агонијата во која се наоѓа и која го разјадува кредибилитетот на
Државните институции. Сите треба да бидеме свесни дека на испит се ставени нашиот државотворен капацитет,
сувереност и сопствен општествено - политички капацитет да се справуваме со кризи како самостојна и
демократска земја.
Секој од нас треба да биде свесен дека секогаш постои закана нашата внатрешна слабост да биде искористена
како оружје со кое ќе се засилат уцените, заканите и непристојните предлози да се откажеме од најсветото –
Македонското име и идентитет.
Македонската Алијанса уште еднаш ги повикува сите политички партии инволвирани во политичкиот
договор од „Пржино“, доследно да ги почитуваат сите јавно превземени обврски, чие исполнување е
дефинирано како решение за состојбите. Политичката криза предолго трае и истата мора да се реши со
избори кои ќе бидат организирани на начин кој ќе се расчистат сите евентуални дилеми и обвинувања за
наводни нерегуларности и чиј резултат ќе биде верификуван од нашите меѓународни сојузници САД и ЕУ.
Наша обврска и патриотска должност е да сториме се’ за да победи Македонија! Јас силно верувам дека
нашата Татковина ќе продолжи да чекори по патот на економски прогрес, инвестиции и просперитетна
иднина!
Бог да ја чува нашата Татковина!
Makedonska alijansa
Pretsedatel
\or|ija - Xorx Atanasoski
158
George Atanasoski