Samo sonceto e postaro od Makedonija II

Komentar 21.07.2016
P
о
ПИСМЕНА ИЗЈАВА
ПО ПОВОД ДОГОВОРОТ
НА ЧЕТИРИТЕ ПАРТИИ
повод новиот договор кој претставниците на четирите политички
партии го постигнаа вчера, Претседателот на Македонската
Алијанса, Ѓорѓија Џорџ Атанасоски, го изјавува следното:
Македонската Алијанса го поздравува новиот договор кој го
постигнаа четирите најодговорни политички партии. Добро е
што основа и рамка на ова ново усогласување е претходно постигнатиот политички
договор од „Пржино“, чиј потписници сами ги прифатија обврските кои што
произлегуваат од него.
Искрено се надеваме дека ова е вовед во конечна разрешница на долготрајната
политичка криза, која мора да заврши на слободни, фер и демократски избори, чиј
резултат ќе биде прифатен од сите и ќе добие верификација од меѓународниот фактор.
Затоа, сметаме дека е добар пристапот прво да се исполнат условите, па потоа да
се дефинира датумот, што е елементарна претпоставка дека сите политички партии
ќе учествуваат на претстојните избори, кога и да се одржат.
Земајќи предвид дека до 31 август, има само 42 дена, апелираме до четирите
политички партии ова лето целосно да се посветат на исполнување на вчера
договорените обврски и со тоа да го отворат патот за утврдување на датумот за
предвремени парламентарни избори. Исполнувањето на обврските без калкулации
е неопходност, бидејќи политичка криза ќе биде разрешена единствено со избори
кои ќе бидат организирани на начин со кој конечно ќе се расчистат сите претходни
дилеми и обвинувања за наводни нерегуларности.
Татковината е предолго во агонија, секојдневно слабеејќи ја отпорноста од заканите
и ризиците за нечија злоупотреба на нашата внатрешна слабост за засилување на
уцените и притисоците да се откажеме од Македонското име и национален идентитет.
Македонската Алијанса изразува благодарност до нашите меѓународни сојузници
САД и ЕУ кои вложуваат многу напор и енергија за да обезбедат компромис меѓу
најодговорните политички партии и со тоа да ја задржат Татковината на стратешкиот
колосек кој треба да ја обезбеди сигурна иднина за сегашните, но и за генерациите
Македонци кои доаѓаат.
Ние силно веруваме дека Македонија ќе победи и ќе продолжи да чекори по патот
на економски прогрес, инвестиции и просперитетна иднина!
Бог да ја чува нашата Татковина!
Makedonska alijansa
Pretsedatel
\or|ija - Xorx Atanasoski
Ѓорѓија Џорџ Атанасоски
185
George Atanasoski