Samo sonceto e postaro od Makedonija II

14.09.2017
Ѓорѓија Џорџ Атанасоски
Komentar
СООПШТЕНИЕ ЗА ЈАВНОСТ
ЗА СТАВОВИТЕ
НА НИКОЛА ДИМИТРОВ
ЗА „РОЈТЕРС“
V
о врска со ставовите на Министерот за надворешни работи, Никола Димитров, кој за „Ројтерс“
дава свои оценки за Евроатланските интеграции на Република Македонија и перспективите
во односите со Грција, Претседателот на Македонската Алијанса, Ѓорѓија Џорџ Атанасоски
го соопштува следното:
Оцекните на Никола Димитров за „Ројтерс“ се потврда дека и оваа Влада полека почнува да се
соочува со реалноста. Имено, шефот на Македонската дипломатија потврдува дека официјална
Атина се противи на можноста Република Македонија да влезе во НАТО Алијансата под при времената
референца, што е дефинитивно спуштање на високите очекувања во јавноста. Особено што се повторува историјата.
Секоја претходна Влада тргнува со ист или сличен оптимизам кој потоа полека станува надеж и на крај се претвора во
разочарување. Така некако личи и изјавата на Димитров дека „доколку направиме доволно реформи дома, се надеваме дека
би можеле да дојдеме до почеток на преговорите со ЕУ и паралелно да ги водиме преговорите околу спорот за името“.
Значи од ова може да заклучиме - без прифаќање на уцените на официјална Атина, ние не можеме да влеземе во ЕУ и НАТО.
Се друго, од разговори за таканаречните мерки за градење доверба, или почнување на пристапните преговори со ЕУ, не се
ништо друго освен добро спакувана приказна која им дава можност на Македонските политичари да прикажат некаков
успех на надворешен план, кој ќе им служи за внатрешно политичка употреба, но во суштина на крај нема да смени ништо.
Напротив, со секој свој потег официјална Атина продолжува да ја прекршува Времената спогодба.
Македонската Алијанса е длабоко убедена дека највисока патриотска должност за секоја Македонска партија е секојдневно
да работи на зголемување на нашите сојузници кои ќе застанат во одбрана на нашето основно демократско право
да бидеме Македонци од нашата Татковина. Постојано укажуваме дека е праведно и логично за нас како Држава да бараме
да се следи примерот на Соединетите Американски Држави, кои одамна го признаа Уставното име на нашата Татковина.
Македонската Алијанса останува на својот став дека во изминативе години од независноста, Македонија покажа огромна
конструктивност и сериозност во напорите да изнајде разумен пристап во билатералните односи со Грција. Направивме
огромни отстапки, а Грчките политички елити во ниту еден момент не пропуштаат да соопштат дека никакви меѓународни
притисоци нема да ги сменат Грчките црвени позиции во спорот за името, упорно спроведувајќи ја својата стратегија со
уцени и притисок да го бараат од нас невозможното.
Македонија и Македонскиот народ не бараат подароци, туку остварување на универзалното демократско право на
самоопределување кое и припаѓа на секоја земја членка на ООН. Македонија и Македонскиот народ бараат нашите
меѓународни пријатели и сојузници да го обезбедат спроведувањето на пресудата на Меѓународниот Суд во Хаг со што
нашата Татковина ќе стане полноправен член на НАТО Алијансата, како најдобра гаранција за унитарноста на Македонија и
нејзината долгорочна стабилност.
Македонската Алијанса уште еднаш ја повикува Владата на Република Македонија да биде внимателна со
потезите кои ги влече во надворешната политика и односите со соседите. Каков е тој крајно непотребе и сервилен
став од Премиерот и Министерот за надворешни работи дека во декември Владата на Република Македонија
очекува нов предлог за името од медијаторот Метју Нимиц?
Никој во Македонија нема мандат да влегува во ризици и да го
загрозува Македонскиот национален идентитет. Било каков Договор кој
евентуално ќе биде на штета на Македонскиот народ и ќе ја доведува во
прашање иднината на нашата заедничка Татковина нема да помине.
НИЕ СМЕ БИЛЕ, СМЕ И ЌЕ ОСТАНЕМЕ МАКЕДОНИЈА!
Makedonska alijansa
Pretsedatel
\or|ija - Xorx Atanasoski
344
George Atanasoski