Samo sonceto e postaro od Makedonija II

Komentar 24.02.2016
ПИСМЕНА ИЗЈАВА
– ЈАВЕН ПОВИК
ЗА КОНЕЧНА РАЗРЕШНИЦА
НА ПОЛИТИЧКАТА КРИЗА
V
о врска со вчерашното одложување на предвремените парламентарни избори за 5
јуни, Претседателот на Македонската Алијанса, Ѓорѓија Џорџ Атанасоски, го изјавува
следното:
Македонската Алијанса уште еднаш ги повикува сите политички партии инволвирани
во политичкиот договор од „Пржино“, доследно да ги почитуваат сите јавно превземени
обврски, чие исполнување е дефинирано како решение за политичката криза. Политичката
криза предолго трае и истата мора да се реши со избори кои ќе бидат организирани на начин кој ќе се расчистат
сите евентуални дилеми и обвинувања за наводни нерегуларности и чиј резултат ќе биде верификуван од
нашите меѓународни сојузници САД и ЕУ.
Прво, изборите не може и не смее повеќе да се одлагаат, бидејќи тоа е погубно и за економијата и
меѓународниот рејтинг на Татковината. Немаме време за губење бидејќи на нашите граници веќе тропа ризикот
од растечкиот бран на мигранти. Наместо меѓусебно да се препукуваат на дневна основа и закануваат со бојкот,
Македонската Алијанса ги повикува сите политички чинители вистински да се посветат на создавањето на сите
неопходни предуслови за исполнување на договорот од „Пржино“.
Второ, избирачки список и медиуми кои од мнозинството граѓани нема да бидат оспорувани, не се важни
само за предвремените парламентарни избори на 5 јуни, туку се неопходни за да конечно Татковината се врати
на вистинскиот и стратешки колосек.
Трето, сите надлежни институции, Техничкиот Премиер, членовите на ДИК, Министерот за внатрешни работи,
Министерот за правда и сите останати имаат обврска да бидат ефикасни во остварувањето на целта – да ги
исполнат своите обврски во интерес на Татковината и својот народ, а не водејќи се од дневно политичките
интереси на партиите на кои им се блиски или припаѓаат. Изборите на 5 јуни мора да значат и конечен крај на
досегашната лоша пракса да се оспоруваат и да се внесува сомнеж и недоверба во Државните институции заради
нечија лична агенда.
Четврто, Македонската Алијанса апелира веднаш да престанат сите обиди за злоупотреба на напорите на
нашите меѓународни сојузници САД и ЕУ да и помагаат на Македонија да се врати на вистинскиот колосек.
Ние не сакаме да веруваме дека нивниот интерес за состојбите во Македонија може да биде заземање страна
во функција на некоја политичка опција. Напротив, ние сметаме дека нашите меѓународни сојузници се повеќе
загрижени за иднината на нашата Татковина од нас самите.
Петто, Татковината треба час поскоро да излезе од агонијата во која се наоѓа и која го разјадува кредибилитетот
на Државните институции. Сите треба да бидеме свесни дека на испит се ставени нашиот државотворен
капацитет, сувереност и сопствен општествено - политички капацитет да се справуваме со кризи како самостојна
и демократска земја.
Македонската Алијанса силно верува дека на 5 јуни ќе победи
Македонија! Нашата Татковина ќе продолжи да чекори по патот на
економски прогрес, инвестиции и просперитетна иднина!
Бог да ја чува нашата Татковина!
Makedonska alijansa
Pretsedatel
\or|ija - Xorx Atanasoski
Ѓорѓија Џорџ Атанасоски
137
George Atanasoski