Samo sonceto e postaro od Makedonija II

Komentar 20.10.2015
ПИСМЕНА РЕАКЦИЈА ЗА НАЈНОВИТЕ
ПРОВОКАЦИИ НА МЕИМАРАКИС,
SИSИКОСТАС И СОЛУНСКИОТ
МИТРОПОЛИТ АНТИМОС
V
о врска со најновите провокации кои доаѓаат од нашиот јужен сосед, преку кандидатите
за лидер на Грчката опозициска партија „Нова Демократија“, Евангелос
Меимаракис и Апостолос Sиsикостас, кои ги надополни и Солунскиот Митрополит
Антимос, Претседателот на Македонската Алијанса, Г-дин Ѓорѓија Џорџ Атанасоски,
ја упатува следната реакција:
Македонската Алијанса најостро ги осудува најновите провокации од кандидатите за лидер
на Нова Демократија, Меимаракис и Sиsикостас, на кој се надоврза Солунскиот Митрополит Антимос.
Очигледно е дека се зголемува хистеријата кај нашиот јужен сосед после дипломатскиот пораз што го доживеа
во Њујорк каде Македонија на Меѓународната конференција против ИСИС, учествуваше под Уставното име.
Лавината на иредентистички изјави, говори и обвинувања, упатени на адреса на Македонија, ги започна
Панос Каменос, актуелниот министер за одбрана во Владата на Алексис Ципрас, кои во скандалозен говор ги
продолжи дури и Грчкиот Претседател, Прокопис Павлопулос.
Македонската Алијанса уште тогаш побара брза реакција од Претседателот Ѓорѓе Иванов и од Министерството
за надворешни работи на Република Македонија, кои освен што требаше веднаш да ги осудат ваквите
скандалозни провокации, сметаме дека е неопходно да се побара објаснување од Никос Коsиас што е официјална
политика на Грција. И тогаш и сега сметаме дека е потребно да добиеме официјален одговор дали ваквите
провокации и новиот бран на стариот Грчки иредентизам или пак предлозите за таканаречените мерки за
градење доверба кои ги предложи Грчкиот министер за надворешни работи, се официјална политика на староновата
Влада на Алексис Ципрас?
Ако Грција навистина има намера да ги зајакнува и подобрува добрососедските односи тогаш сметаме дека
Грчката Влада треба официјално да се огради од серијата скандалозни провокации кои покажуваат дека
хистерично оживува стариот излитен Грчки иредентизам, кои не ја води официјална Атина никаде.
Земајќи предвид дека на контроверзниот Солунски Митрополит Антимос, не му ниту прв, а очигледно ниту
последен пат да лицитира со имиња за Македонија, Македонската Алијанса смета дека Светиот Архерејски
Синод на Македонската Православна Црква треба јавно да ги осуди провокациите на Антимос.
Треба јасно да им се стави до знаење на сите општествено-политички фактори во Грција, дека Македонија
може да биде Грчка само во нивните соништа. Ние никогаш нема да се откажеме од она што е вековно, нашето
име Македонија и нашиот идентитет.
Искрено жалиме што продолжува праксата, различни општествени чинители во Грција да го злоупотребуваат
спорот со името на нашата Татковина Македонија за внатрешни дневно-политички потреби. Провокации,
радикални изјави и враќање кон некои минати времиња не придонесуваат кон градење на добрососедски
односи.
Македонската Алијанса, во името на Македонската Дијаспора ќе продолжи и понатаму посветено
да се бори за заштита на вековното, историско име на нашата древна Татковина Македонија и
секогаш ќе застанува на патот на сите ирационални и иредентистички ставови кои го оспоруваат
Македонскиот идентитет и ја блокираат иднината на Република Македонија.
Makedonska alijansa
Pretsedatel
\or|ija - Xorx Atanasoski
Ѓорѓија Џорџ Атанасоски
95
George Atanasoski