Erzählungen und Berichte aus, von und über Bernhardsthal

Jaga und Fischa haum ah eahna Freid,
De schenste Auswoih weit und breit.
Und wer si’s faschdeht auf Weinkuitua,
Der findt bei uns füh meah ois gnua.
Zum Obschluß mecht i ahns nua sohng:
Ma muaß ka Göhd ins Auslaund trohng,
Weu nua daham, im eigan Laund,
Hod ma in Urlaub bei da Haund !
Erzählungen aus und über Bernhardsthal
Im Urlaub (Lanzarote, Jänner 2007)
Wüh ma bei uns gschwind pinkln wo geh,
Bleibt ma gaunz afoch bei an Bahm wo schdeh.
Und befua’s no druckt und schdicht,
Hod ma sei Gschäft ah scho faricht.
In Lanzarote is des so afoch ned,
Weu söhtn wo a Palme schdeht.
Und waunn amoi wo Palmen schdengan,
Grod Urlauba schbazian duat gengan.
Oda de Palme schdeht grod duat,
In da Mittn fon an Uat.
Ob wenig, füh, ob kane Leid,
Der Plotz is sicha ah ned gscheid.
Ah gibt’s dadohdan wenich Eckn,
Wo ma si kunnt fileicht faschdeckn.
Und wia bei de Palmen is do ah,
Es gibt ka Eckn fia ahn allah.
Glaubt ma schbähda daunn noch Schdundn,
Ma hätt sei Platzerl endlich g’fundn,
Daunn fageht’s da schnöh ois wia,
Weu Tausnd aundre woan scho hia.
So schee ah fremde Lända san,
Nua waunns do duat gibt kane Bam,
Daunn is aum schenstn do daham!
P.S.
I daunk mein Herrgott, dass i bin a Mau,
Weu Frau’n san no füh ärma drau!
Seite 23