Euskarazko errore sintaktikoak detektatzeko eta zuzentzeko ...

V.2 Transduktoreak eta datak 113
elementuek (urtea, hilabetea eta eguna) kasu-konbinazio zehatzetan deklinatuta
agertu behar dute (adibidez, hilabetea genitibo kasuan deklinatuta
azaltzen denean, egunak absolutibo kasuan deklinatuta egon behar du).
Erroreak errore-sailkapenari jarraituz kodetu ditugu. Gogora dezagun,
ikerkuntza-taldean darabilgun erroreen sailkapenean (Aldabe et al., 2005b),
kategoria nagusiak irizpide linguistikoei jarraituta sailkatu ditugula, eta kategoria
nagusi bakoitzaren azpian, irizpide deskriptiboa erabili dugula. Hau
horrela izanik, datak Nozioak errore-kategoria nagusian sailkatu ditugu. Azpikategoria
zehazteko erabili dugun kodeketa honakoa da:
KategoriaNagusia Aldaketa EzaugarriLinguistikoa Non
Hau da osagai bakoitzaren azalpena:
• Kategoria Nagusia: erroreen sailkapeneko kategoria nagusia. Kasu honetan,
dat idatziko genuke, errorea datan gertatzen delako.
• Aldaketa: irizpide deskriptibotik zein errore mota den: elementuren bat
ordenaz aldatu (oal), gehitu (geh), kendu (ken) edo nahastu (nah)
ote den.
• Ezaugarri Linguistikoa: aldaketa jasan duen ezaugarria, linguistikoa
(kas, kasua, adibidez) edo ez (mar, marra, adibidez).
• Non: zein tokitan gertatu den ezaugarriaren aldaketa. Daten kasurako,
urtean (u), hilabetean (h) edo egunean (e). Komunztadura eza
dagoen kasuetan posizio bikoteak idatziko ditugu. Adibidez, le kodeak
adieraziko luke lekuaren eta egunaren ezaugarriak ez datozela
bat.
Adibidez, dat ken kas e kodeak *2007ko abuztuaren 3 datan gertatzen
den errorea deskribatuko luke. Hau da, datan kendu egin da kasua
egunean 4 . Datetako errore motak deskribatzeko erabiltzen dugun taulan
(V.1 taula) erroreak modu honetan kodetu ditugu.
4 Adibide honetan dat nah kas e kodea ere egokia litzateke, kasua kendu beharrean
nahastu dela esan baitezakegu (eguna, 3, azaleko markarik gabeko absolutibo mugagabean
deklinatuta dagoela pentsa dezakegu).