Euskarazko errore sintaktikoak detektatzeko eta zuzentzeko ...

V.3 Murriztapen Gramatika eta postposizio-lokuzioak 135
ez genuke detektatuko, buruz.. .esan esamoldea topatu dugulako. Hala ere,
lehenago ere esan dugu, erabaki dugula egokiagoa dela egitura erroredun bat
ez detektatzea, alarma faltsu bat sortzea baino.
list buruz-adi = "erori" "jo" "ikasi" "hartu" "jokatu" "ari izan" "esan" "errematatu"
"jakin" "gogoratu";
list buruz-gain = "behera" "belarri" "buru" "gain" "gora";
list buruz-futbola = "falta" "baloi" "jokalari" "gol" "futbol" "sare" "zutoin" ...;
list postposizioak-buruz = "buruz";
map ({PostBuruz Nah KasEzDatAla PA) target ize-det-ior if (not 0 dat-ala)
(not 0 ezezaguna or buruz-adi or buruz-futbola)
(1 postposizioak-buruz + adb)
(not 2 buruz-gain)
(not *1 buruz-adi or buruz-futbola)
(not *-1 buruz-adi or buruz-futbola);
V.7 Irudia: Buruzen erabilera oker bat deskribatzen duen islapen-erregela.
buruz postposizio-lokuzioa aztertu dugunean ikusi dugu postposizio-lokuzioen
erabilera okerrak detektatzea ez dela berehalakoa. Postposizio bakoitzak
zailtasun eta detekziorako behar desberdinak ditu, eta hau horrela
izanik erabaki dugu kasu bakoitza banan-banan eta ahalik eta sakonen aztertzea.
Lehenengo, aztertutako postposizio-lokuzio guztien erabilera zuzena
taula batean (V.12 taulan) erakutsiko dugu 17 ; ondoren, postposizio bakoitzerako
detektatutako errore motak zerrendatuko ditugu, eta erroreak detektatu
ahal izateko erabilitako baliabideak deskribatuko ditugu; eta azkenik,
lortutako emaitzak erakutsiko ditugu.
V.3.3.1 Arte/artean
Postposizio korapilatsua da arte osagai beregainaren lema duena. Anbiguotasun
morfosintaktikoak eragiten dituen arazoez gain (adberbioa edo izena
izan daiteke), postposizioa zuzen edo oker erabili ote den ezagutzeko, informazio
semantikoa erabili behar izan dugu (postposizioa lekua edo denbora
adierazten duten hitzekin erabili den ezagutu behar da zenbait kasutan).
Topatutako erabilera okerrak eta hauek detektatzeko egindako lana errazago
aztertzearren, bi zatitan banatu dugu arte OBLa duen postposizioaren
analisia. Lehenengo, osagai beregaintzat artean duten egiturak landuko ditugu,
eta ondoren, OBa arte dutenak.
17 Postposizio-lokuzioen erabilera zuzenaren deskribapena (Aduriz et al., 2008) lanetik
jaso dugu.