Euskarazko errore sintaktikoak detektatzeko eta zuzentzeko ...

252 Saroi eta komunztadura-erroreak
• Hiru iturritatik jaso dugu aditzek erabiltzen duten laguntzailearen
paradigmari buruzko informazioa. Euskal Hiztegitik 4016 aditzi
buruzkoa, corpusetatik 2541 aditzena eta eskuz egindako azterketatik
100 aditzi buruzkoa. Demagun, esnatu zidan egitura
detektatzeko, hiru iturrietako informazioa bildu nahi dugula erregela
berean. Kasu honetan, VII.7 irudiko moduko erregela definituko
genuke. Erregela honetan uneko adabegia (@) aditza kategoriakoa
bada (@.kat = “adi”) baina ez aditz-izena (@.adm !=
”adize”), eta aditz laguntzailea nor-nori-nork paradigmakoa
badu (@!auxmod.Paradigma == ”nor-nori-nork”), errorea honako
kasuan gertatuko dela adierazten da: 1) Hiztegian, aditz horri
dagokion azpikategorizazio-etiketen artean ez bada agertzen
nor-nori-nork azpikategoria (@.NorNoriNorkEz∼); 2) Corpusean
aditz hori paradigma horrekin % 2ko maiztasuna baino txikiagoarekin
agertzen da (@.nor-nori-nork-maizt < 2 ); eta 3)
Eskuzko azterketan adierazten da aditza ez dela datiboa kasuarekin
agertzen (@.KasuEz == “dat”).
Erreg KOM AditzAzpikta Nor Nori Nork 1
(
Detekt (
@.kat == "ADI" &
@.adm ! = "ADIZE" &
@!auxmod∼ &
@!auxmod.Paradigma == "nor-nori-nork" &
1. @.NorNoriNorkEz∼ &
2. @.nor-nori-nork-maizt < 2 &
3. @.KasuEz == "dat"
)
)
VII.7 Irudia: Komunztadura-erroreak detektatzeko “aditzen patroiak” erabiltzen
dituen erregelaren adibidea.
Erregela hau oso segurua litzateke (3 baldintzak bete behar dira),
eta beraz, alarma faltsuak ekiditeko oso egokia. Baina, bestaldetik,
aztertutako aditz multzoa 100 aditzera murriztuko luke.
• Alarma faltsuen kopurua asko handitu gabe landutako aditz kopurua
handitzeko asmoarekin, erregeletan bi baldintza bete daitezen
eskatu dugu (hiztegiari eta corpusari dagozkien baldintzak).
Baldintza horien pean egindako proban ez genuen, adibidez, (54)
adibideko *esnatu zidan egitura erroreduna detektatu. Hiztegian,
egitura hau zuzentzat jotzen da, kasu batzuetan zuzena baita (ize-