Euskarazko errore sintaktikoak detektatzeko eta zuzentzeko ...

VII.5 Gramatika 253
ba gelara sartu zen eta umea esnatu zidan esaldian 16 , adibidez).
Erabilera proportzioei begiratzen badiogu, ordea, kasu gehiagotan
izango da egitura okerra, zuzena baino. Hau da, segur aski
erroreduna izan daitekeen egitura baten detekzioa galduko genuke,
egitura zuzen gutxi batzuk ez detektatzearen truke. Kasu
antzekoa gertatzen zaigu ikusi zaio moduko egiturekin.
• Erabaki bat hartu behar izan dugu, eta errore detekzioaren alde
egin dugu: alarma faltsu gehiago edukiko ditugula jakin arren,
ohikoak diren egitura horiek detektatu nahi izan ditugu. Horrela,
informazio-iturri bakoitzeko, baldintza bakarreko erregela laukote
bat (erregela bat paradigmako) idatzi dugu.
2. Objektuaren edo zehar-objektuaren sorkuntza. Komunztadura-erroreen
sailkapena egin dugunean, sorkuntza kasuak aipatu ditugu. Kasu hauetan
aditz laguntzaileko komunztadura-marketan agertzen ez den kasuren
bat agertzen da esaldian. Hau da (56) adibidearen kasua. Aditz laguntzaileak
(du) ez du zehar-objekturik eskatzen, baina esaldian zehar-
-objektu bat markatzen du EDGK-k (erabiltzaileari). Errore zehatz hau
detektatzeko, VII.8 erregela erabiliko genuke.
(56) *Erabiltzaileari sare batean egon daitekeen urruneko beste ordenagailuekin
konektatzeko aukera ematen du.
Erreg KOMSOR ZOBJ 1
(
Detekt (
@.kat == "ADI" &
@!nczobj∼ &
@!auxmod∼ &
(@!auxmod.Paradigma == "NOR-NORK" |
@!auxmod.Paradigma == "NOR")
)
)
VII.8 Irudia: Komunztadura-erroreak detektatzeko “zehar-objektuaren sorkuntza”
kontuan hartzen duen erregelaren adibidea.
3. Komunztadura perpausaren barruan. Multzo honetan biltzen da erregela
kopuru handiena (34 erregela). Aztertutako esaldi erroredun gehie-
16 Adibide hauetan, erabilera zuzena ote den jakiteko esaldian objekturik ote dagoen
begiratu behar dela pentsa dezakegu. Objektua elidituta egon daiteke baina.