Euskarazko errore sintaktikoak detektatzeko eta zuzentzeko ...

120 Patroiak, datak eta postposizio-lokuzioak
lexc (Beesley eta Karttunen, 2003) erabiliz dagokion kasuan deklinatzen da
(absolutibo edo inesibo). Koma idatzi egiten da, lekua adierazten duen izen
berezi bat existitzen dela (LIB etiketa V.2 irudian, 4. urratsean) egiaztatu
eta gero.
1. define ItzuliUrtea [ "/-> "ko" || Zbkia Zbkia "/" ];
2. define Itzuli05Hila [ "0"5 "/ -> "maiatzaren " || "ko" ];
3. define ItzuliHila [ Itzuli01Hila .o. Itzuli02Hila
.o. ... .o. Itzuli12Hila ];
4. define ItzuliEguna [ [ .. ] -> "a" "n" || Zbkia .#. ];
5. define Itzuli [ ItzuliUrtea .o. ItzuliHila .o.
ItzuliEguna ];
6. define GehituEEgunean [ "a" "n" -> "e" ... ||
[ [ "0" | 2 | 4 | 6 | 8 ] 1 | [ 1 | 3 | 5 | 7 | 9 ] "0" | 5 ] ];
...
n-1. define Garbitu [ GehituEEgunean .o. GehituEUrtean ];
n. define DataSortu [ Itzuli .o. Garbitu ];
V.4 Irudia: Datak XFSTz sortzeko adierazpen erregularrak.
Jarraian, inesibo kasuan komunztatzen duten datak sortzeko erabilitako
erlazio erregularrak azalduko ditugu. Sarrera “barra etzana” karakterearekin
banatutako hiru zenbaki multzo dira. Zenbaki multzoek urtea, hilabetea eta
eguna adierazten dituzte, hurrenez hurren. Lehen zenbaki multzoa (urtea)
topatzen denean, lekuzko genitiboa adierazten duen “-ko” morfema eransten
zaio (ItzuliUrtea, V.4 irudiko 1. erregela). Hilabeteak zenbakietatik
karaktereetara itzultzeko, ordezpen eragiketak erabiltzen dira. Ordezpenak,
ezkerrera urtearen ondorengo “-ko” segida edukitzera (ikus, adibidez, V.4
irudiko 2. erregelan Itzuli05Hila) mugatzen dira (testuinguru hori izan
ezean, ordezpena ez da gertatzen). Bukatzeko, inesibo singularra adierazten
duen deklinabide-atzizkia (“-an”) egunari eransten zaio (ItzuliEguna,
4 zenbakidun definizioa). Islapen-erregeletan salbuespenak ere tratatzen direla
ikus dezakegu: urtea edo eguna adierazten duten zenbakiak kontsonantez
amaitzen direnean 9 “-e” epentetikoa gehitzen zaio lekuzko genitiboari
urtean (“-e” + “-ko” = “-eko”) eta inesiboari egunean (“-e” + “an” =
“-ean”).
9 V.4 irudiko 6. erregelan (GehituEEgunean) adibide bat dugu. Sarrerako zenbaki bikotea
1ez (baina ez hamaikaz, hots, 1, 21, 41. ..), hamarrez (10, 30, 50, 70 edo 90) edo
5ez amaitzen bada, -ean karaktere-katea gehituko zaio zenbakiari. Bestela, -an. Adibideak
dira, 1ean, 2an, 3an, 4an, 5ean. ..Antzera definitu dugu GehituEUrtean.