Euskarazko errore sintaktikoak detektatzeko eta zuzentzeko ...

260 Saroi eta komunztadura-erroreak
Datu hauek guztiak analizatuta, desanbiguazio-konbinazio “egokiena”
topatu nahi izan dugu. Konbinazio “egokienak” honako baldintzak bete
behar ditu:
1. Ahalik eta esaldi erroredun gehienetan detektatu behar du errorea.
2. Ahalik eta esaldi zuzen gutxienetan eman behar du alarma faltsua.
3. Ahalik eta zuhaitz gutxien sortu behar du, exekuzioa azkarragoa izan
dadin.
Komunztadura-erroreen detekziorako erregelak zuhaitzetan aplikatu ondoren
lortutako emaitzak xehatuta erakutsi ditugu VII.9 taulan, eta laburtuta,
VII.10 taulan ( √ ikurrak analisi horretan errorea detektatu dela adierazten
du). Emaitzetatik ondorio hauek atera ditugu:
1. 1-2 eta 2-2 konbinazioek beti ematen dute haien artean berdina den
emaitza. Gauza bera gertatzen da 1-3 eta 2-3 konbinazioekin. Konbinazio
horietan sortzen den analisi-zuhaitz kopurua desanbiguazio morfosintaktikoa
3. mailan egiten dutenekin konparatuz (3-2 eta 3-3) handia
izaten da. Erroreen detekzioari dagokionez, kasu guztietan 5 errore
detektatzen dira eta ez da alarma faltsurik ematen. Desanbiguazio
morfosintaktikorako lehen eta bigarren mailak erabiltzen dituzten konbinazioak
(hots, 1-2, 2-2, 1-3 eta 2-3) sortzen duten zuhaitz kopuru
altuagatik baztertu ditugu.
2. 4-2 eta 4-3 konbinazioekin ere orokorrean zuhaitz ugari sortzen da
(emaitzak aldakorrak dira, 9. eta 10. esaldiekin zuhaitz gutxiago ematen
baitute). Bi kasuetan 6 esalditan detektatzen da errorea, eta 4-2
konbinazioan, alarma faltsu bat detektatu da. 4-2 eta 4-3 aukerak ere,
baztertu egin ditugu sortzen duten zuhaitz kopuru altuagatik.
3. Guztien artean hasieran jarritako baldintzetara hobekien egokitzen diren
aukerak 3-2 eta 3-3 dira. Analisi-zuhaitz gutxi sortzen dute eta
10 esalditatik 6 esalditan errorea topatzen da errorea (alarma faltsu
bakarra 3. esaldian).
Xehetasunak dituen taularen (VII.9 taula) analisi bat eginda, albo-ondorio
batzuk atera ditzakegu. Labur-zurrean emango ditugu:
1. Zuhaitz-egitura minimoa egotea nahikoa da errorea detektatzeko. Esaldiaren
analisi automatikoaren ondorioz sortutako mendekotasun-zuhaitzak
patroian deskribatutako egitura minimoa badu, errorea detektatu