Euskarazko errore sintaktikoak detektatzeko eta zuzentzeko ...

V.4 Laburpena eta ondorioak 163
XFST eta MGrekin testuinguru lokala aztertuta detektatu daitezkeen
erroreak landu daitezkeela egiaztatu dugu. Erroreak lokalak izanik, erregela
berak erabili ditzakegu ordena desberdinetan antolatutako esaldietan
erroreak detektatzeko. Adibidez, esaldi hauetan (-ren zehar) egitura okerra
detektatzeko:
(25) *Basoaren zehar joango gara amarekin.
(26) *Joango gara basoaren zehar amarekin.
(27) *Joango gara amarekin basoaren zehar.
Errorea detektatzeko aztertu behar diren elementuak auzokideak ez direnean,
urrun geratzen direnean, aipatutako tresnak ez dira egokiak. Demagun,
subjektuaren eta aditzaren arteko komunztadura eza detektatu nahi
dugula (28)tik (33)erako adibideetan. XFST edo MG erabilita, errorearen
detekziorako erregela anitz definitu beharko litzateke, esaldian subjektuaren
posizioa aditzarekiko aldatu egiten baita. Adibide hauek guztiek, ordea,
mendekotasun-zuhaitz bera dute 30 .
(28) *Isilaldiak ez ditu bost edo sei segundo baino gehiago iraun behar.
(29) *Isilaldiak ez ditu iraun behar bost edo sei segundo baino gehiago.
(30) *Isilaldiak bost edo sei segundo baino gehiago ez ditu iraun behar.
(31) *Ez ditu bost edo sei segundo baino gehiago iraun behar isilaldiak.
(32) *Ez ditu iraun behar bost edo sei segundo baino gehiago isilaldiak.
(33) *Bost edo sei segundo baino gehiago ez ditu iraun behar isilaldiak.
Kasu honetan, esaldiko ordena linealarekin baino, esaldiaren egiturarekin
lan egitea egokiagoa iruditzen zaigu. XFSTk eta MGk aukera hau ematen
ez dutenez, mendekotasun-zuhaitzen gainean patroi-erregelak aplikatzen dituen
Saroi izeneko tresna sortu dugu. Hurrengo kapituluan (VI. kapituluan)
tresna honen inguruan arituko gara. Tresna komunztadura-erroreak detektatzeko
nola erabili dugun VII. kapituluan aztertuko dugu.
30 Adibide hau http://www.ehu.es/PAT/zuzenketak/komunztadura.htm helbidetik ja-
soa izan da, eta gero, eraldatua.