Euskarazko errore sintaktikoak detektatzeko eta zuzentzeko ...

I.4 Tesi-txostenaren eskema eta argitalpenak 15
ikerkuntzarako zenbait bideren berri emango dugu VIII. kapituluan.
Ezin aipatu gabe utzi tesi-txostenarekin lotutako eranskinak. Eranskinetako
bakoitzean tesi-txosteneko kapituluren batean azaldutakoak zehatzago
deskribatuko dira:
• A eranskinak gramatika-zuzentzaileak eta OLHIA sistemak du izena
eta bertan III. kapituluan aztertutako sistemak zehatzago deskribatuko
dira.
• B eranskinean, Saroi tresnaren (VI. kapitulua) klase-diagramak topatuko
ditugu.
• C eranskinak Saroiren kontsulta-lengoaia inplementatzeko definitutako
itzultzailearen analizatzaile lexikoa eta analizatzaile sintaktikoa deskribatuko
ditu.
• D eranskinean XML bidezko anotazio-amarauna osatzen duten dokumentuen
sintaxia definituko dugu Document Type Definition (DTD)
bat dela medio.
• E eranskinean komunztadura-erroreak detektatzerakoan lortutako emaitzak
zehaztuko ditugu (VII. kapituluan emaitzak laburtuta erakutsiko
ditugu).
Sarrera-kapitulu honi bukaera emateko, tesi-lanarekin lotutako eta egileen
artean doktoregaia duten zenbait argitalpenen berri emango dugu, horietako
bakoitza dagokion kapituluarekin lotuz. Zuzen-zuzenean tesiari lotzen
zaizkion artikuluak aipatu ditugunean, erreferentzia osoa idatzi dugu.
Zerikusia dutenak zerrendatu ditugunean, berriz, izenburua eta aipamena
soilik idatzi ditugu, irakurleak hala nahi izanez gero, bibliografia orokorrean
bila ditzan. Argitalpenak IXA taldeko web orritik jaso daitezke
(http://ixa.si.ehu.es).
• I. kapitulua. Proiektuaren nondik norakoak
– (Maritxalar et al., 1997). From Psycholinguistic Modelling of Interlanguage
in Second Language Acquisition to a Computational Model.
– (Díaz de Ilarraza et al., 1998a). An Implemented Interlanguage Model
for Learners of Basque.
– (Díaz de Ilarraza et al., 1998b). Integration of NLP Tools in an Intelligent
Computer Assisted Language Learning Environment for Basque:
IDAZKIDE.