Aramaioko euskara (azterketa dialektologikoa) Jakintza-arloa ...

nolabait arautu egin daitezke. Badira, hala ere, bokalen artean gertatzen diren bestelako
bilakaera batzuk, ez sistematikoak, baina aipatu beharrekoak, askotan hizkeren arteko
desberdintasunak azaleratzen dituztelako. Bilakaera horiei aldaera lexikoak edo aldaerak
deituko diegu.
Hemen ez ditugu Aramaioko euskaran aurkitu ditugun aldaera guztiak zerrendatuko
(horretarako dago hiztegia). Hona ekarriko ditugunak hitz-multzo bati eragiten diote, eta esan
dezakegu holako arau moduko bat edo joera bat dagoela bokal bat edo bestea agertzeko.
Zalantzarik gabe, ikusiko ditugun puntu hauetan Aramaioko euskara mendebaleko
euskararekin dator bat, salbuespenen batzuk gorabehera.
Aldaera lexiko hauek direla eta, sarritan txikikeriak direnez, ez dut paperera ekarriko
Leintzeko kasuistika guztia, inoiz aldaeraren bat edo beste aipatuko badut ere.
2.3.1 E → A / —r@
Aramaion zenbait hitzetan a dugu, mendebalean legez:
bardiñ (eta bardiñddu)
barri (eta barriro, barres ‘berriz’, barristau, barritxu…)
barriketa (eta barriketero)
earto (baina gehiago ederto)
txarri (txarrikeixa, txarriki, txarri-korta, txarrikuma, txarri-anka,
txarri-muturrek)
Baita ere Euskal Herrian hedatuagoak diren hitz hauetan:
asarre, asarretu
Baina beste zenbaitetan e:
bastar (baina gehiago baster)
aterpe, atertu
108