Aramaioko euskara (azterketa dialektologikoa) Jakintza-arloa ...

4.9.1.3 Indikatiboa nagusi
Indikatiboaren nagusitasuna erabatekoa da. Goian aipatutako 680 adizkietatik 671
indikatibokoak dira, alegia, % 98,67. Beste moduen agerpena ia anekdotikoa da:
4.9.1.4 Oraina/iragana
Baldintza: 3 (% 0,44)
Ondorioa: 2 (% 0,3)
Ahalera: 2 (% 0,3)
Subjuntiboa: 2 (% 0,3)
Solasaldi gehienak iraganari buruzkoak izateak eragina du aditzean. Hori dela eta,
iraganeko adizkien kopurua (% 65,7) oraineko adizkienaren (% 34,3) bikoitza da ia. Deigarri
gertatzen dena da item asko izan arren, adizki desberdinak oso gutxi direla, batez ere
iraganean. Esaterako, NOR aditzetan 249 item, baina soilik 9 adizki desberdin (san ‘zen’,
sien ‘ziren’, gitzen/gintzen/giñen ‘ginen’, sonan ‘zunan’, gitzonan/gintzonan ‘gintunan’,
sittunan ‘zitunan’, sitzen ‘zinen’, sitzien ‘zineten’, nitzen ‘nintzen’). Guztira iraganean 447
item eta 54 adizki desberdin. Orainean, ostera, itemak askoz gutxiago izan arren (233), adizki
desberdinak iraganekoak hainbeste dira (55).
4.9.1.5 Maiztasun handiena duten adizkiak
109 adizki desberdinetatik asko dira soilik behin edo birritan agertzen zaizkigunak,
batez ere NOR-NORK eta NOR-NORI-NORK sailetan. Beste batzuek, aldiz, item ugari
dituzte. Hauetako ia denak NOR eta NOR-NORK sailekoak dira. Maizen azaltzen diren 10
adizkien artean 351 item osatzen dituzte, hau da, item guztien % 51,61. 15 adizki hartuz gero,
402 item edo % 59,11. Azkenik, 25 adizki ugarienak hartuz gero, 472 item edo % 69,41.
Hauek dira testuan maizen agertzen diren adizkiak (parentesi artean maiztasun kopurua
eta ehunekoak):
314