Aramaioko euskara (azterketa dialektologikoa) Jakintza-arloa ...

Baldintza-ondorioetan gainerako pertsonetan ere bai: bagau ‘bagenu’, gauke
‘genuke’, basau ‘bazenu’, sauke ‘zenuke’, basaue ‘bazenute’, saukie ‘zenukete’.
Iraganaldian, dena dela, -au- erroa agertzen bada ere, arruntagoak dira -eu- eta -e-
. Esaterako, Aramaioko bereizgarria da NI, GU eta ZU pertsonetan -e- erroa
nagusitzea: nen ‘nuen’, gen ‘genuen’, sen ‘zenuen’. Forma horiekin batera, -eu-
eta -au- errodunak ere entzuten dira: neuen/nauen ‘nuen’, geuen/gauen ‘genuen’,
seuen/sauen ‘zenuen’. 3. pertsonak ere bi erroak (-au-, -eu-) onartzen ditu:
auen/euen ‘zuen’, auen, auien/euen ‘zuten’. Azkenik, ZUEK pertsonari dagokion
erroa -eu- da: seuen ‘zenuten’.
Leintzen arrotzak dira Aramaioko nen, gen, sen horiek. Hor -au-, -eu- dira erroak.
(5) Egin aditza: Aramaion ez da *ezan aditzaren formarik erabiltzen, egin da
erabiltzen dena NOR-NORK eta NOR-NORI-NORK sailetako ahaleran,
subjuntiboan zein aginteran. Modu hauek oso ohikoak ez badira ere (batez ere
ahalera eta subjuntiboa), erabiltzen diren adizkietan -i- (