VSF 2010 Report - Nabo

ÍS-204:035 álagablettur 6552.304N 2232.990V
Álagablettur er í túni rétt innan (norðan) við rétt
026 samkvæmt Hrólfi Aðalsteini Valdimarssyni.
Bletturinn hafði þau álög á sér að ef hann væri
sleginn myndi eitthvað slæmt henda kindurnar á
bænum.
Á þessu svæði í túninu verður nokkur breyting á
gróðurfari þar sem það breytist úr grasi í lyng.
Enginn sérstakur blettur sker sig úr umhverfinu á
þessu svæði með því að bera þess merki að hafa
ekki verið sleginn. Líklegt er að bletturinn hafi
verið á grasivöxnu svæði þegar túnið var enn
slegið, fyrst ekki mátti slá hann, en mögulegt er að
í seinni tíð hafi lyng breitt úr sér og m.a. hulið
blettinn.
Hættumat: engin hætta
ÍS-204:035 – Svæðið sem álagbletturinn hefur að öllum
líkindum verið á, horft í suðvestur.
ÍS-204:036 náma mógrafir 6552.388N 2232.944V
Mógrafir eru um 70 m norðvestur af bæjarhól 001,
í túnjaðri. Grafirnar eru nefndar í örnefnaskrá frá
1989, þó einungis með einu orði: „mógrafir“ en
síðan merktar inn á örnefnakort sem fylgir
örnefnaskránni.
Mógrafirnar eru í mýri innan túns og rennur lækur
í gegnum svæðið.
Grafirnar eru merktar inn á örnefnakorti Hrólfs
Valdimarssonar og það sést enn móta fyrir þeim
þó erfitt sé að skilgreina mörk þeirra þar sem þær
eru nú grónar og ógreinilegar. Mest er um 1 m
niður á botn grafanna af jafnsléttu á túninu.
Gróflega áætlað eru mógrafirnar um 20x30 m á
stærð. Um 5 m neðar (vestar) í túninu, við
túngarðinn er um 20x7 m stór mógröf, næstum
ferhyrnd. Hún teygir sig út fyrir túngarðinn. Þessi
mógröf er aðeins dýpri en sú fyrrnefnda. Báðar
mógrafirnar snúa norðnorðaustur-suðsuðvestur, en saman snúa þær nær vestnorðvestri-austsuðaustri.
Hættumat: engin hætta
Heimildir:Ö-Vatnsfjarðarsel (1989), 3; Örnefnakort Hrólfs Valdimarssonar.
ÍS-204:037 tóft fjárhús 6552.346N 2232.827V
Um 40 m aftan (austan) við bæjarhól 001, eru
fjárhústóftir.
Fjárhúsin eru á tiltölulega sléttum bletti í túninu,
grónum grasi. Nokkru suðvestar er bæjarlækurinn og
annar lækur nokkru austan við þau.
Húsin virðast nú eitt stórt hólf en hafa mögulega skipst
upp í hólfá meðan þau voru í notkun. Þrír garðar skipta
húsunum upp. Húsin eru um 14,5x12 m að stærð. Að
innanmáli er þau um 10x12 m og eru veggir mest um
1,5 m breiðir og um 1,7 m háir. Húsin snúa norðaustursuðvestur
og eru opin til norðvesturs þar sem líklega
hefur verið timburþil. Veggir tóftarinnar eru heilir
nema að á bakhliðinni (suðaustur) þar sem 1 m háir
pallar eru hvor í sínu horninu. Sá syðri um 1 m breiður
og sá nyrðri um 1,5 m breiður, báðir um 1 m á dýpt.
Mögulegt er að þetta hafi verið inngangar eða lúgur eða
eitthvað þess háttar. Veggurinn til suðausturs hefur
ÍS-204:036 – Mógrafir, horft í norður.
ÍS-204:037 – Fjárhústóft (tóft 038 framan við hana),
horft í suðaustur.
232