VSF 2010 Report - Nabo

hólf. Tvö hólfanna eru svipuð að stærð og eitt minna. Frá tóftinni gengur um 3 m
langur garður syðst til austurs. Tóftin snýr nokkurn vegin norður-suður. Nyrsta
hólfið er stærst, um 4,5x3 m að innanmáli, en ekki er hægt að greina vegg til
austurs nyrst á um 3 m kafla. Op er á milli nyrsta hólfsins og miðjuhólfsins á
miðjum sameiginlegum vegg. Miðjuhólfið er um 3,5x2 m að innanmáli. Op
virðist hafa verið á það sunnarlega til austurs en ekki er hægt að greina op á milli
þess og syðsta hólfsins. Áðurnefnd hólf tvö snúa bæði norður-suður eins og tóftin
í heild. Syðsta hólfið er það minnsta, það er um 2x1 m og snýr austur-vestur, og
virðist opið við suðvesturhorn. Við suðausturhornið hólfsins gengur garður til
austurs. Hann er um 1 m breiður og 3 m langur. Veggir tóftarinnar eru allir mjög
grónir en á stöku stað sér í grjóthleðslur í veggjum. Veggirnir eru sumstaðar
óljósir vegna hruns og virðist tóftin þess vegna eilítið skökk og skæld. Veggir eru
yfirleitt um 1m breiðir en mest um 1,3 m breiðir. Hæð veggja er mest um 1 m en
yfirleitt lægri. Ekkert er vitað um hvaða hlutverki tóftin hefur gegnt.
Hættumat: hætta, vegna vegagerðar
Heimildir:RE, 15.
ÍS-205:045
ÍS-205:046 tóft óþekkt 6556.804N 2229.860V
Í Fornleifaskráningu Ragnars Edvardssonar frá 2003 segir: „Í
u.þ.b. 115 metra fjarlægð frá rúst nr. 45 er önnur rúst 6 metra
vestan þjóðvegarins. Klettabelti vestan og fjaran austanmegin.
Rústin er tvíhólfa hlaðin úr grjóti“. Umrædd tóft er um 740 m
norður af bæjarhól 001, um 70 m suður af tóft 016.
Tóftin er um 13 m vestan við veginn, sömuleiðis fast neðan
(austan) við kletta sem tilheyra Sjóarhjalla. Tóftin er í svolitlum
halla, en vestan við hana er stórgrýti og klettar. Austan við tóftina
er vegurinn og fjara. Umhverfið er gróið grasi, lyngi og
ljónslappa. Uppblástur vegna rasks sem orðið hefur þegar
vegurinn var gerður er farinn að ógna tóftinni.
Tóftin er 10,5x7,5 m stór og snýr nálega norðnorðvestursuðsuðaustur.
Hún virðist skiptast í tvö hólf og er hlaðin úr grjóti
en mjög gróin og sigin. Austara hólfið er stórt en minna hólf við
suðvesturhorn þess. Minna hólfið er að hluta inn í stóra hólfinu en
teygir sig svo út fyrir það til vesturs. Austasti hluti stóra hólfsins
hefur orðið uppblæstri að bráð og hafi verið veggur þar er hann nú horfinn. Norðurveggur tóftarinnar er mjög
vel gróinn og lítið sést móta fyrir grjóti í honum.
Suðurveggur er á milli hólfa og er hann hlaðinn í
bland úr stóru grjóti og smásteinum. Allir veggir
minna hólfsins virðast hlaðnir úr smásteinum. Minna
hólfið er um 2x2,2 m að innanmáli en mikið hefur
hrunið úr veggjunum svo úr sér að erfitt er að sjá
hvar mörk veggja hafa upphaflega verið. Stóra hólfið
er um 5,5x5 m að innanmáli, en við það bætist lítið
svæði, um 2x2 m að innanmáli, sem er norðan við
minna hólfið. Veggjabreidd er mest um 1,5 m og
veggjahæð mest um 60 cm. Ekkert er vitað um
hlutverk tóftarinnar.
Hættumat: hætta, vegna rofs
Heimildir:RE, 15-16.
ÍS-205:046 – Tóftin, horft til austurs.
ÍS-205:046
260