Create successful ePaper yourself
Turn your PDF publications into a flip-book with our unique Google optimized e-Paper software.
Þjálfun barna og unglinga í knattspyrnu.<br />
iðkendunum í hópnum og að hver og einn fái tækifæri til að þroska eigin<br />
hæfileika og sé virkur þátttakandi.<br />
Einnig er mikilvægt að þjálfarinn sýni frumkvæði og áræðni við þjálfunina<br />
og sé stöðugt að leiðbeina og kenna iðkendunum sínum bæði með því að sýna<br />
æfingarnar sem hann leggur fyrir og láta svo iðkendurnar endurtaka þær 7 .<br />
Mikilvægt er að þjálfarinn leiðrétti hjá hverjum og einum það sem miður fer<br />
og þarf að bæta og ekki síður að hrósa fyrir það sem vel er gert. Margir<br />
þjálfarar eru oft mjög uppteknir við að sýna hvernig ekki á að framkvæma<br />
hlutinn í stað þess að leggja höfuðáherslu á hið gagnstæða, þ.e. leita að hinu<br />
jákvæða sem iðkandinn gerir og benda á það. Það er margsannað að skammir<br />
hafa neikvæð áhrif og fær þjálfarinn oft ekki að sjá þau áhrif því tárin koma<br />
yfirleitt ekki fram fyrr heima hjá mömmu og pabba. Þess í stað er mikilvægt<br />
að þjálfarinn skapi gott andrúmsloft á æfingum og í leikjum þannig að<br />
iðkendunum líði vel og fái notið sín á æfingum því að félagsskapur og vinátta<br />
er börnum mikilvæg og því eiga allir að fá að vera með á æfingum og í<br />
leikjum.<br />
Við teljum eftirfarandi kennsluaðferð mjög mikilvæga og árangursríka:<br />
1. Sýna og útskýra æfinguna. Mikilvægt að vera með útskýringarnar<br />
stuttar og hnitmiðaðar.<br />
2. Leiðrétta. Leiðrétta hjá iðkendum það sem betur má fara og kenna<br />
þeim réttu atriðin. Mikilvægt að þeir nái grundvallaratriðunum fyrst<br />
áður en farið er að kenna þeim smáatriðin.<br />
3. Endurtekning. Iðkendur gera æfinguna aftur og aftur eftir að bent<br />
hefur verið á það sem betur mætti fara.<br />
4. Hrós. Mikilvægt að hrósa iðkendum þegar við á.<br />
Þetta þýðir að við leggjum allar æfingar fyrir stig af stigi og miðum þær við<br />
getu hvers og eins þannig að börn og unglingar fjarlægist ekki æfingarnar og<br />
að allir fari heim ánægðir eftir hverja æfingu. Við eigum jafnframt að horfa á<br />
7 Þorlákur Árnason 2002<br />
Eysteinn Pétur Lárusson og Ingvi Sveinsson<br />
12