Create successful ePaper yourself
Turn your PDF publications into a flip-book with our unique Google optimized e-Paper software.
Krise i aust, krise i vest?<br />
Den demografiske krisa 17 1- i ljos av ei lite nytta kjelde<br />
Av Lars Rottem Krangnes<br />
Amtmann Tønder retta orda sine til oversekretæren i Danske<br />
Kanselli, grev Johan Ludvig Holstein, som ein del av svaret<br />
på ei spørjegransking Tønder fekk på skrivebordet våren året<br />
før. Fylgjebrevet var dagsett 13. april 1743, og gjorde greie for<br />
ei spørjeliste med 43 spørsmål om geografiske, økonomiske<br />
, historiske og kulturelle forhold. ”De slette og ufrugtbare<br />
aaringer” i Tønders svar er dei agrare uåra i Noreg tidleg i 1740åra,<br />
med kalde vêrforhold og sviktande avlingar. I dei same<br />
åra vart det óg rapportert om kraftige epidemiar. Dødsrata<br />
steig dramatisk, og kom opp i det dobbelte av fødselsrata. 2 Ei<br />
demografisk krise oppstod i Noreg.<br />
Tønder var slett ikkje den einaste norske embetsmannen som<br />
fekk brev frå grev Holstein. Også dei 11 andre amtmennene<br />
og stiftamtmennene 3 hadde fått brevet, og sende som<br />
Tønder spørjelista vidare nedover i embetssystemet. Som<br />
samtidsskildring vert svara ei unik kjelde for drøftingar av<br />
lokale og regionale utslag av den demografiske krisa.<br />
”Dei ” som kjelde<br />
Det er utan tvil ei rad problemstillingar ei statistisk utnytting<br />
av svarmaterialet til dei 43 spørsmåla kan ljossetja. Mogleiken<br />
til å studera utslaga på lokalt nivå set oss i stand til å seia<br />
noko om krisa råka samstundes og likt i to så nærings- og<br />
folkesetnadsmessig ulike område som det jordrike, sentrale<br />
Austlandet (Akershus og Østfold) og den karrigare kysten frå<br />
Sør-Trøndelag til Hordaland. Variasjonar mellom prestegjeld i<br />
same område vil også kunna sporast. Historikaren Ole Georg<br />
Moseng (2003) skriv at medan ”krisen [i 1773] stort sett var<br />
knyttet til Østlandet, var den enda mer alvorlige demografiske<br />
krisen i 1741-42 landsomfattende”. 4 Som eg kjem tilbake til,<br />
meiner eg at dette er ei sanning med modifikasjonar, og at svara<br />
embetsmennene sende inn til dei 43 spørsmåla viser dette. Det<br />
er spesielt prestanes opplysingar i svarmaterialet om talet på<br />
fødde og døde eg meiner kan brukast til å argumentera for dette<br />
synet.<br />
Historikaren Kåre Lunden skreiv i 2002 at ”i særlege<br />
kriseperiodar som 1740- og 1770-åra reknar ein med samspel<br />
mellom desse to hovudårsakene [misvekst som fører til hunger<br />
på den eine sida og epidemiar på den andre]”. 5 Dette samspelet<br />
er lite problematisert i nyare litteratur om krisa. Avskrivinga av<br />
svolt som hovudårsak kan sjå ut til å ha fjerna interessen frå til<br />
dømes ei drøfting om ulikt tilgjenge på andre matressursar enn<br />
korn kan ha hatt noko å seia for variasjonar mellom landsdelar<br />
i graden av krise. Sitatet frå amtmann Tønder viser at samtida<br />
var merksam på skilje i mattilgjenget. Sidan både korndyrking<br />
artikler<br />
Dette Fogderie haver nu i nogle aar hafft af Havet eet rigt Spiisekammer, hvilcket Herren vunderbarlig hafde<br />
aabnet, da de slette og ufrugtbare Aaringer pa astod, 1 skreiv amtmann Christian Ulrik Tønder i Romsdal<br />
seinhaustes 1744. Kan orda til amtmann Tønder, saman med andre spor frå kjelda dei er henta frå, skipla<br />
biletet av den demografiske krisa 1741-43 som landsomfemnande?<br />
og fiske var mellom emna i spørjegranskinga frå 1743, gjer<br />
svartilfanget det relativt enkelt å sjå etter samanhengar mellom<br />
mattilgjenge og dødelegheit heilt ned på lokalt nivå. Såleis kan<br />
det også vera med på å stadfesta eller modifisera biletet i nyare<br />
forsking av epidemiar som hovudårsak til den demografiske<br />
krisa på 1740-talet.<br />
I den samanheng er det naturleg å også koma inn på korleis<br />
embetsmennene i samtida forklarte og skildra krisa. I kor<br />
stor grad dei faktisk nemner henne i det heile vil kunna vera<br />
grunnlag for interessante drøftingar om regionale og lokale<br />
skilnader. I avsnitta under brukar eg ”Dei 43” som nemning på<br />
det svarmaterialet som er bevart.<br />
Uviljuge ”kyndige og erfarne Mænd”?<br />
Svara på spørjegranskinga amtmennene i Noreg fekk tilsend<br />
våren 1743 vart to tiår seinare grunnlag for Erik Johan<br />
Jessen-Schardebøls bok I Det Kongerike Norge fremstillet efter<br />
dets naturlige og borgerlige Tilstand. Vest-Europa var inne i<br />
opplysingstida, prega av høg aktivitet innan filosofi, vitskap og<br />
kunst, utanfor Norden også av maktkritiske ytringar. I Noreg<br />
fekk opplysingstida særleg utslag i framveksten av topografisk<br />
litteratur 6 , historiske verk og omsetjingar av mellomalderskrifter.<br />
7 Det er i det tidsbiletet vi må sjå utsendinga av spørjelista til<br />
dei norske embetsmennene8 - bakgrunnen var eit initiativ til å<br />
laga ei fullstendig skildring av danskekongens land og rike.<br />
Jessen-Schardebøl var sekretær ved Danske Kanselli i<br />
København på 1740-talet, og etter eiga utsegn ei drivande kraft<br />
bak prosjektet. 9 Men brevet embetsmennene i Noreg fekk var<br />
underskrive av oversekretær, grev Johan Ludvig Holstein, og<br />
den offisielle avsendaren var Kanselliet som institusjon. 10 Trass<br />
i at det heitte i brevet at amtmennene kunne få hjelp frå ”andre<br />
habile […] kyndige og erfarne Mænd” stod det også klårt at<br />
svara skulle vera ”sammenskrevne”, og at ”De [amtmannen]<br />
jo før jo heller” skulle ”lade forfatte, en ganske udførlig, og<br />
heller vidløftig end kort beskrivelse og efterretning”. 11 Særleg<br />
det siste vart fylgd opp i liten grad. Svarprosenten varierte,<br />
og svara amtmennene fekk frå fogdar, sorenskrivarar, prestar,<br />
borgarmeistrar og rådmenn vart ”sammenskrevne” berre<br />
i Akershus stiftamt, Lister og Mandals amt og Stavanger<br />
amt. Dette var truleg medverkande til at skildringa som vart<br />
gjeve ut av Jessen-Schardebøl 20 år seinare vart langt mindre<br />
omfemnande enn planlagd. Ei fullstendig skildring av kongens<br />
land og rike kom aldri. 12<br />
121