KAP. 4.

givin valrættur til teirra, sum vegna útbúgving fyribils hava tilhald uttan
fyri Føroyar.
Eftir heimastýrislógarinnar § 10 er møguleiki at gera mun á donskum
ríkisborgarum og donskum ríkisborgarum heimahoyrandi í Føroyum,
ella við øðrum orðum: Føroyingum og dønum, tá ið umræður løgtingsvalrætt.
Munur hevur ikki verið gjørdur á føroyingum og dønum á
løgtingsvaløkinum, síðan heimastýrið var stovnsett. Hetta verður at
gera av í løgtingslóg. Nevndin heldur ikki tørv vera á at gera slíkan
mun, tá ið føroyingar, sum fara til Danmarkar, fáa fullar veljarasømdir
sum danir. Av hesi orsøk verður mælt til, at rættarstøðan á hesum øki
verður óbroytt.
Ad § 4:
Greinin kemur ístaðin fyri § 12, stk. 2, í galdandi stýrisskipanarlóg, og
hevur sína orðing eftir grundlógarinnar § 30.
Eftir galdandi skipan ger revsiverd gerð ikki hin dømda óverdugan,
uttan so, at hin dømdi er dømdur treytaleysan dóm til fongsul í 4
mánaðar ella meir ella hefti, ella tá ið 5 ár eru gingin aftaná, at hann
hevur sitið revsingina, revsingin er avoldað ella eftirgivin, ella eftir at
hann er endaliga leyslatin.
Nevndin heldur, at løgtingið í hvørjum einstøkum føri eigur at taka
støðu til málið sbr. § 7, tá ið góðkenningin av nývaldu tingmonnunum
fer fram, og í verki eigur helst tann grundregla at vera galdandi, at
meira tollyndi verður víst, jú eldri revsingin er, og um revsiverdi tilburðurin
var veljarunum kunnugur, tá ið løgtingsval var. Av álvarsligum
brotsverkum, sum uttan iva fara at føra til, at valbærið er mist, er, um
dømt er fyri brot á løgtingslógina um ábyrgd landsstýrismanna.
Ad § 5:
Til stk. 1. Slík grein er ikki beinleiðis ásett í galdandi stýrisskipanarlóg,
men er helst ein avgjørd fyritreyt fyri henni. Greinin hevur fyrimynd í
svensku grundlógini 3. kap., § 1, og donsku grundlógini § 31, stk. 1, og
er ein nátúrlig staðfesting av teirri valskipan, sum higartil hevur verið í
Føroyum. Greinin er eisini ein avleiðing av heimastýrislógini § 1, stk. 2.
Til stk. 2. Slíkar reglur eru í dag ásettar í løgtingslóg nr. 49 frá
20.07.1978 um val til Føroya løgting, sum seinast broytt við løgtingslóg
nr. 68 frá 13.05.1992.
Í løgtingsvallógini kunnu m.a. ásetast reglur um valdømis og eyka-
176