Create successful ePaper yourself
Turn your PDF publications into a flip-book with our unique Google optimized e-Paper software.
Skipan<br />
Ikki er í stýrisskipanarlógini ásett, nær løgtingið kemur saman eftir<br />
valið, bert at tað skal koma saman innan ein mánað eftir valið sbr.<br />
stýrisskipanarlógini § 9, stk. 2.<br />
Áðrenn broytingina av stýrisskipanarlógini í 1985 var greitt, at tað<br />
var løgmaður, sum ásetti, nær fyrsti tingfundur var eftir valið, við tað at<br />
hann sbr. § 7, stk. 1, í tágaldandi stýrisskipanarlógini stevndi tingmonnum<br />
til vanliga tingsetu ólavsøkudag, og eisini hann, sum stevndi tingmonnum<br />
til eykatingsetu, sbr. § 7, stk. 4, og harvið eisini eftir nýval.<br />
Í 1985 var § 7, stk. 4, broytt soleiðis, at løgtingsformaðurin hevur<br />
heimildina at stevna tinginum til eykatingsetu, meðan løgmaður framvegis<br />
stevnir tinginum til vanliga tingsetu á ólavsøku.<br />
Tá er sperðil komin í § 7. Løgmaður hevur nú ikki longur heimild at<br />
stevna tinginum til eykatingsetu; hesa heimildina hevur løgtingsformaðurin.<br />
Eftir nýval er eingin løgtingsformaður, av tí at eingin løgtingsformaður<br />
er valdur enn, tí at fyrsti tingfundur hevur ikki verið, og<br />
løgtingsformaðurin í gamla løgtinginum hevur ongar heimildir; hetta<br />
løgting er jú upployst, og ikki er vist, at hann verður afturvaldur.<br />
Formliga hevur tí eingin heimild at boða til fyrsta tingfundin og<br />
áseta, nær hann skal verða. Í verki hevur støðan tó verið tann, at<br />
løgmaður hevur framhaldandi stevnt tingmonnum til fyrsta tingfundin,<br />
og er heimild hansara fyri hesum javndømi av § 7, stk. 1, við tað at<br />
fyrsti fundur eftir val kann sigast at verða fyrsta vanliga tingsetan eftir<br />
valið. Sbr. § 2 í tingskipanini frá 06.09.1985 fer fram val av løgtingsformanni<br />
og næstformonnum hvørja ferð, tingseta byrjar, og sostatt<br />
eisini á fyrsta tingfundi eftir nýval. Eftir tingskipanini § 2, stk. 4, kunnu<br />
10 tingmenn við 3 daga frest og við góðkenning tingsins krevja, at<br />
formansskapurin verður valdur av nýggjum.<br />
Virki løgtingsins er býtt upp í tær sokallaðu tingseturnar, tað er ávís<br />
tíðarskeið, sum tingfundirnir fyrr vóru savnaðir saman um, og tingmenn<br />
komu av bygd til Havnar og gistu so leingi, tingfundir vóru. Seinastu<br />
árini eru hesir fundir ikki longur lagdir í einum samanhangandi tíðarskeiði,<br />
við tað at tingmenn ferðast til Havnar til hvønn fundin sær.<br />
Ólavsøkudag ganga tingmenn skrúðgongu 72 úr tinghúsinum í dómkirkjuna<br />
og aftur í tinghúsið, har vanliga tingsetan verður sett. Er hesin<br />
84<br />
72 . Í uppriti um ting og ávísar tingsiðir dagfest 26.10.1993 sigur landsskjalavørðurin<br />
og fyrrverandi tingmaðurin Jóannes Dalsgaard soleiðis frá skrúðgonguni: „Tað<br />
er ikki lætt at siga við vissu, um skrúðgongan á ólavsøku, soleiðis sum nútíðin<br />
kennir hana, er fyrndargamal siður, men nógv bendir á, at so er. At sjálv<br />
tingsetanin alla søguliga tíð hevur havt stóran hátíðardám, benda allar