Create successful ePaper yourself
Turn your PDF publications into a flip-book with our unique Google optimized e-Paper software.
landsstýrismannaembætið verður leyst í valskeiðnum. Greinin má<br />
skiljast soleiðis, at eingin møguleiki er at koyra løgmann ella landsstýrismann<br />
frá í valskeiði løgtingsins, og at nýval av løgmanni ella<br />
landsstýrismonnum bert kann fara fram, um ein ella fleiri av sitandi<br />
landsstýrismonnum eru farnir frá.<br />
Í verki hevur hetta eisini verið støða løgtingsins. 86 Á vári 1989 sat<br />
landsstýrið við Jógvani Sundstein sum løgmanni og landsstýrismonnunum<br />
Anfinni Kallsberg, Signari Hansen, Finnboga Ísakson, Karl Hera<br />
Joensen og Torduri Niclasen.<br />
Ósemja kom í, og nýtt landsstýrið var skipað 22. juni 1989 við<br />
Jógvani Sundstein sum løgmanni og landsstýrismonnunum Olafi Olsen,<br />
Signari Hansen, Jóngerð Purkhús, Ivani Johannesen og Jógvani I.<br />
Olsen.<br />
Landsstýrismenninir Anfinn Kallsberg, Finnbogi Ísakson og Karl<br />
Heri Joensen søgdu seg frá sjálvbodnir 22. juni 1989, men Tordur<br />
Niclasen, landsstýrismaður, segði ikki landsstýrissessin frá sær. Tað gjørdi<br />
hann ikki fyrr enn 31. juli 1989, og sostatt góðtók løgtingið hann sum<br />
landsstýrismann, hóast meiriluti á tingi ikki ynskti hann sum landsstýrismann.<br />
Rættarliga ábyrgd landsstýrisins er umrødd í § 5 í stýrisskipanarlógini,<br />
har ásett er, at landsstýrið stendur til svars fyri umsitingini av sermálunum,<br />
og at ábyrgd landsstýrisins verður nærri ásett við løgtingslóg.<br />
Í upprunauppskotið Mitens til stýrisskipanarlóg hevði hann í § 4, stk.<br />
1, eina orðing, sum var hin sama sum orðingin galdandi § 5, stk. 1, í<br />
stýrisskipanarlógini. Harafturat hevði hann eina orðing í stk. 2, 87 sum<br />
segði, at:<br />
„Lagtinget kann tiltale Landsstyrets medlemmer for deres embedsførelse.<br />
Højesteret paakender disse sager.“<br />
Hetta uppskot hansara vann ikki frama.<br />
Frá tí at heimastýrið var stovnsett og til á sumri 1992, var eingin<br />
áseting um, hvussu rættarliga ábyrgd landsstýrismanna var ásett, við<br />
tað at eingin løgtingslóg var gjørd við heimild í stýrisskipanarlógini § 5,<br />
sum greinaði ábyrgd landsstýrismanna nærri. Tá var ábyrgdargrundarlagið<br />
borgaraliga revsilógin §§ 155, 156 og 157. – Einki var ásett um<br />
formligu framferðina í lóggávuni, og málini skuldu fara fram sum øll<br />
onnur revsimál í samfelagnum, har meldað verður til fútan, og hann so<br />
tekur støðu til, um málið skal reisast við sorinskrivaraembætið. Einki<br />
96<br />
86 . Sbr. yvirlit á løgtingsskrivsstovuni.<br />
87 . Løgtingsmál nr. 1/1948 á landsskjalasavninum.