You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
áðast uttanlendis um handils- og fiskivinnusemjur. Eisini kann uttanríkisráðharrin<br />
eftir § 8, stk. 4, heimila umboðsmonnum heimastýrisins<br />
ríkisins vegna at tingast beinleiðis við fremmand lond undir viðvirkan<br />
av uttanríkistænastuni, tá ið tað ikki verður hildið ósambæriligt við<br />
ríkisins áhugamál. Eftir hesi grein verður nú tingast undir leiðslu føroyinga<br />
við bretar um undirgrundarmarkið millum Føroyar og Bretland. 51<br />
Dømi um praksis seinastu 20 árini:<br />
Gjøgnum árini hevur ávís umsitingarlig siðvenja ment seg. Hon kom<br />
fram sum millumlanda samstarvið vaks. Serliga síðani fyrst í sjeytiárunum<br />
í sambandi við kvotusamráðingarnar í millumlanda fiskivinnunevndum<br />
sum NEAFC og ICNAF frá 1972, fleirvegis fiskivinnuavtalur<br />
(„svikasáttmálin“ 1973) og samráðingar um Føroya støðu í samband<br />
við upptøkusamráðingar hjá Danmark við felagsmarknaðin í 1972.<br />
Hin vanligi hátturin fram til 1970'árini var, at umboð fyri heimastýrið<br />
luttóku sum ráðgevar á jøvnum føti við umboð fyri danskar stovnar.<br />
Eftir at Danmark, í sambandi við limaskapin í EF og broytingarnar í<br />
altjóða fiskivinnupolitikkinum, legði heimildir sínar til samráðingar við<br />
onnur lond um kvotur og fiskirættindi til EF, varð neyðugt at skipa fyri<br />
einum nýggjum hugtaki. Danmark (vegna Føroyar) kom at vera heitið í<br />
millumlandasamráðingum. Sigast kann, at limaskapur ríkisins í<br />
NEAFC, NAFO (fyrr ICNAF) og NASCO er í tvíningum: Sjálvt Danmark<br />
er umfatað av limaskapinum hjá EF, meðan Føroyar, og eftir at<br />
Grønland fór úr EF, eisini Grønland, eru fevnd av einum limaskapi<br />
„Danmark (vegna Føroyar Grønland)“. Ein fyri sjálvt Danmark, undir<br />
EF, og ein vegna restina av ríkinum, Føroyar og Grønland, tá Grønland<br />
fór úr EF. Hesin formur vísir, at danskir ríkismyndugleikar kunnu fara<br />
rættuliga langt í samband við ríkiseindina, tá talan er um at laga<br />
viðurskiftini til sambandið við felagsmarknaðin. Hinvegin hava ríkismyndugleikarnir<br />
víst frá sær tílíkar loysnir (t.d. í samband við limaskap<br />
Føroya í IWC) tá tað eru heimastýrini, sum hava tillagingartrupulleikar.<br />
Danska stjórnin hevur, saman við heimastýrinum, frá 1977 gjørt<br />
rammusáttmálar um fiskiskap við felagsmarknaðin, USA, DDR. Ein<br />
rammusáttmáli, sum var undirritaður við Canada í 1980, nevnir bert<br />
donsku stjórnina sum sáttmálapart. Við Noreg er gjørdur rammusáttmáli,<br />
har danska stjórnin ikki er við sum partur, men hevur sáttmálin<br />
form sum góðkend fundarfrásøgn. Við Ísland hevur heimastýrið gjørt<br />
72<br />
51 . Landsstyrisins j. nr. 128-2/93.