KAP. 4.

orðið borganarlóg fyri danska orðið kaution, og ikki orðið veðhald, sum
á donskum merkir pantsætning.
Til stk. 4. Fyrimyndin er § 41, stk. 4, í grundlógini, og er slík grein
ikki ásett í galdandi stýrisskipanarlóg. Í verki í løgtinginum verður henda
regla fylgd, tó kemur tað fyri, at løgtingið samtykkir millumtinganevndir
soleiðis, at uppskot fær fyrstu viðgerð í eini tingsetu og aðru viðgerð í
næstu tingsetu. Eftir greinini er hesin møguleiki ikki til staðar longur.
Einki er tó til hindurs fyri, at millumtinganevnd arbeiðir við spurninginum,
men uppskotið skal tá leggjast fram av nýggjum av einum
nevndarlimi. Nevndin heldur, at hetta er greiðasta loysn. Undir millumtingaviðgerðini
verða ofta gjørdar nógvar broytingar av upprunauppskotinum,
so tað er næstan eitt annað, og tingmenn minnast ikki til
smálutirnar frá fyrstu viðgerð, so hóskandi er at taka málið upp aftur av
nýggjum við framløgu og nýggjari fyrstu viðgerð.
Ad § 16:
Hildið verður, at ein løgtingsminniluti skal hava ein møguleika at fáa
roynt eitt lógaruppskot til fólkaatkvøðu eins og ásett er í grundlógarinnar
§ 42 við teim somu avmarkingum, sum henda grein hevur, tó
soleiðis at ikki verður sett krav um, at ein minstapartur av øllum
veljarum skal vera ímóti fyri at tað skal falla á fólkaatkvøðu. Nevndin
leggur dent á hesa minnilutaverju soleiðis, at minnilutin á løgtingi fær
somu verju sum ein minniluti á fólkatingi.
Um fólkaatkvøðu hevur Alf Ross, professari dr. jur & phil, greitt sera
gjølla frá í einum „Memorandum om folkeafstemning, væsentlig på
grundlag af to svenske betænkninger“ dagfest apríl 1946, sum prentað
er sum skjal 10 til „Betænkning afgivet af forfatningskommissionen af
1946“ J.H. Schultz A/S, København 1953.
Í fleiri londum verður latið upp fyri tí møguleika, at borgarar landsins
kunnu seta fram lógaruppskot, sum – um tað ikki verður tikið til
eftirtektar av stýrinum – kann verða sent til fólkaatkvøðu. (Sí: Alf Ross:
Memorandum om folkeafstemning, væsentlig på grundlag af to svenske
betænkninger [april 1946] í Betænkning afgivet af forfatningskommissionen
af 1946, Kbh. 1953, pp 157 – 187, serliga síðurnar 168 ff. og
Maurice Duverger: Institutions politiques et droit constitutionnel, Paris
1962, pp. 227 og 326).
Henda skipan er fyrst sprottin í Sveis, men vann frama í USA fyri
um 100 árum síðani. Tað kann koma fyri, at eitt mál verður nógv
umrøtt, uttan at tað nakrantíð verður samtykt sum lógaruppskot, ið
kann koma til fólkaatkvøðu. Hendan skipan loyvir, at eitt ávíst tal av
181