You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
§ 12, stk. 1, 2. pkt. 3 viðgerðir krevjast ikki til at samtykkja tilmæli um at<br />
seta í gildi ríkislóg her á landi. Her krevjast bert tvær viðgerðir sbr.<br />
tingskipanini § 12, stk. 1, 2. pkt., við tað at hesi tilmæli verða viðgjørd<br />
sum uppskot til samtyktar.<br />
Sbr. siðvenju, og helst við fyrimynd í grundlógarinnar § 41 stk. 4,<br />
falla burtur øll tey uppskot, sum ikki endaliga eru samtykt, áðrenn<br />
tingsetan endar. Løgtingið kann tó gera av, at málið fer í millumtinganevnd,<br />
t.e. at málið verður uppafturtikið og heldur fram í komandi<br />
tingsetu, har slept var í undanfarnu tingsetu.<br />
Ein minniluti á løgtingi hevur eftir stýrisskipanini ikki krav uppá, at<br />
fólkaatkvøða verður hildin um eitt samtykt lógaruppskot, og fólkaatkvøðumøguleikin<br />
er ikki nevndur í stýrisskipanini. Einaferð síðan<br />
heimastýrið var stovnsett er tó fólkaatkvøða hildin um samtykt løgtingslógaruppskot,<br />
nevniliga uppskotið til løgtingslóg um innflutning og sølu<br />
av rúsdrekka, sum er kunngjørt av landsstýrinum sum kunngerð nr. 40<br />
frá 17.07.1973 um fólkaatkvøðu um lógaruppskotið um innflutning og<br />
sølu av rúsdrekka. Í hesum uppskotið var í § 12, stk. 1, 2. pkt. sagt:<br />
„Fólkaatkvøða í rúsdrekkamálinum, fyri ella ímóti tí við aðru viðgerð<br />
samtykta uppskoti, um tað verður samtykt við triðju viðgerð, verður álagt<br />
landsstýrinum at skipa fyri, áðrenn lógin kann verða lýst.“<br />
Uppskotið fall á fólkaatkvøðu, og samtykta lógin var tí ongantíð staðfest<br />
og lýst.<br />
Í stýrisskipanarlógini § 29, er givin løgtinginum heimild at gera nærri<br />
reglur um starv sítt í tingskipanini. Upprunaliga tingskipanin var frá<br />
05.05.1948, men var henda skipan avtikin, tá nýggj tingskipan var sett<br />
í gildi 06.09.1985, sum enn er í gildi.<br />
Fundir løgtingsins verða hildnir fyri opnum durum sbr. § 7, stk. 2, tó<br />
kann løgtingið í einstøkum førum samtykkja, at mál skal viðgerast fyri<br />
stongdum durum, og hevur henda heimild at halda loynifundir helst<br />
ikki verið nýtt, síðan loynifundirnar orsakað av kríggsumstøðunum í<br />
1940. Greinin merkir, at útvarp og sjónvarp uttan loyvi kunnu varpa út<br />
beinleiðis frá løgtingsfundum. Í praksis er tó upplýst, at tað ikki er væl<br />
sæð, um ikki formanskapurin frammanundan hevur fingið fráboðan<br />
um, at útvarpað ella sjónvarpað verður.<br />
At samtykkja mál á løgtingi krevst, at meiri enn helmingurin av<br />
løgtingslimunum er á fundi og fyri málinum sbr. stýrisskipanarlógini §<br />
26. Hetta merkir við tingmannatalinum í dag, at 17 mans skulu atkvøða<br />
fyri máli fyri at verða samtykt. Í upprunaliga uppskotinum hjá Mitens<br />
til stýrisskipanarlóg hevði § 26 hetta orðaljóð:<br />
„Løgtingið kann ikki gera samtykt um nakað mál, uttan at meiri enn<br />
87