KAP. 4.

13.05.1948 samtykti løgtingið at yvirtaka postverkið, 47 men landsstýrið
vildi ikki fremja hesa samtykt, og avgjørdi á fundi 14.10.1948 at
siga tingmonnum frá, at: 48
„Landsstýrið peikar á, at samsvarandi § 2 í lógini um Føroya heimastýri;
er tað Føroya heimastýri, sum kann gera av, at mál, ið standa á lista A,
verða flutt til heimastýrið, og so statt krevst umframt løgtingssamtykt
eisini samtykt frá landsstýrinum“.
Rumbul stóðst av hesum, og 15. mars 1949 gjørdi løgtingið soljóðandi
samtykt: 49
“Viðvíkjandi spurninginum um yvirtøku av málum má samtykt verða
gjørd av heimastýrinum, ið eru landsstýri og løgting.
Viðvíkjandi lýsing av løgtingslógum og umsiting av samtyktum er
landsstýrið bundið av løgtingsins avgerðum.“
Postverkið var framvegis ikki yvirtikið, og førdi hetta við sær, at tingmenninir
D.P. Danielsen og Hanus við Høgadalsá settu fram uppskot
um at áleggja landsstýrinum at fremja samtyktina frá 1948 um yvirtøku,
men hetta uppskot fall, 50 og so hendi sum kunnugt einki fyrr enn í
1976.
Ávís avmarkað tjóðskaparrættindi veitir heimastýrislógin. Í § 10 er
ásett, at í danska passi føroyinga kann setast afturat „Dansk“ og „Danmark“,
„Føroyingur“ og „Føroyar“, og at munur kann vera gjørdur á
føroyingum og dønum, tá ið veljast skal til føroyskar stovnar, men tað á
annan hátt ikki kann gerast munur. Í § 11 verður føroyskt viðurkent
sum høvuðsmál, men danskt kann á sama hátt verða nýtt í øllum
almennum viðurskiftum. Í § 12 verður føroyska flaggið viðurkent sum
alment flagg í Føroyum.
Málsræði í felagsmálum
Hvørji mál eru felagsmál
Felagsmál, sum ikki kunnu yvirtakast
Uttanríkismál
Sbr. heimastýrislógarinnar § 5, stk. 2, er ásett, at ríkismyndugleikarnir
hava avgerðarrættin í spurningum, sum viðvíkja ríkisins viðurskiftum
við útheimin, og kunnu hesi mál sostatt ikki yvirtakast. Tó verður í § 8,
stk. 3, veitt ríkisstjórnini heimild at geva føroyingum heimild at sam-
47 . Løgtingstíðindi 1948, bls. 34.
48 . Løgtingstíðindi 1948, bls. 201.
49 . Løgtingstíðindi 1948, bls. 202.
50 . Løgtingstíðindi 1950, bls. 217.
71