KAP. 4.

– Sbr. løgtingslóg nr. 78 frá 21.05.1982 um loðdjórahald § 1 er landsstýrinum
heimilað saman við lógarnevnd løgtingsins at gera reglugerð
um loðdjórahald í Føroyum.
Løgtingið velur nevndarlimir í rættiliga nógvar nevndir, sum hava
fyrisitandi vald. Hesar nevndir kunnu býtast upp í 3 bólkar, nevniliga
1. nevndir, sum valdar verða sbr. lóg ella løgtingslóg
2. nevndir, sum valdar verða sbr. løgtingssamtykt
3. nevndir, sum valdar verða sbr. samtykt í privatum ella hálvalmennum
feløgum.
Til 1. bólkin kunnu nevnast limir í jarðarráðið, eftirlitismenn við varðhaldsfangum
sbr. rættargangslógini § 779, limir í stýrið fyri Húsalánsgrunnin,
nevndarlimir í íleggingargrunnin, kommunala lánigrunnin,
landbúnaðarstevnu og yvirlandbúnaðarstevnu, limir í umsjónarráð
landsbankans, landsskattanevndina, landsskúlaráðið, eftirlitisnevnd viðvíkjandi
løgregluni, nevndarlimir í lønarráðið, menningargrunnin,
náttúrufriðingarnevndirnar og yvirfriðingarnevndina, nevningagrundlistanevndir,
ráðleggingarnevnd fyri sjúkrahúsini, realkreditstovnin,
sjónvarpsnevndina, sjúkrahússtýrini, skógfriðingarnevndina, tryggingarsambandið,
útskiftingarstevnu, útvarpsnevnd, vanlukkutryggingarráðið,
yvirprísráðið. – Harumframt fer fram val til løgtingsvalnevndirnar.
Til 2. bólkin kunnu nevnast val av nevndarlimum í føroyskt kirkjumál,
Føroya Listasavn, Føroya Sparikassa, Føroya Vanlukkutrygging, Flogsamband
Føroya og Mentunargrunn Føroya Løgtings.
Til 3. bólkin kunnu nevnast nevndarlimir í Føroya Blindastovn,
Føroya Brunatrygging, Føroya Lívstrygging, Flogleiðir (haldfelagsskapurin),
Jólamerkjagrunnin, Kong Chr. X og drotn. Alexandrines legat,
Sjóvinnubankan og Skipafelagið Føroyar.
Summar løgtingslógir hava verið av slíkum so ítøkiligum slagi, at tær
nærum mugu sigast at vera av fyrisitingarligum slagi. Sum dømi kunnu
nevnast:
Í løgtingslóg nr. 33 frá 25.05.1963 um veitan av eftirlønarrætti og
eftirlønaraldri til ymiskar tænastumenn o.a. verður sagt í § 1:
„1. Tilskilað verður Poul Johannes Johansen, lærara á Føroya sjómansskúla,
lønaraldur frá 1. august 1957 og eftirlønaraldur frá 1. august 1964.
2. Tilskilað verður Nicodemus Rasmussen, stjóra á Føroya Gjaldstovu
lønaraldur frá 1. juli 1960.
3. Tilskilað verður Daniel Jacob Bærentsen, landsdjóralækna, eftirlønaraldur
frá 1. august 1957.“
Løgtingslógin viðvíkur bert hesum trimum monnum.
Í løgtingslóg nr. 22 frá 04.03.1983 um tekning av partapeningi í og
91