Create successful ePaper yourself
Turn your PDF publications into a flip-book with our unique Google optimized e-Paper software.
I Vald ríkismyndugleikanna<br />
A. Gildi grundlógarinnar fyri Føroyar<br />
Ovasta rættarkelda, tað er teir tættir, sum teir rættarverjandi stovnarnir<br />
halda seg til í einum og hvørjum samfelagi, er altíð óskrivað, og hevur<br />
sítt grundarlag í siðvenjurætti, nevniliga at ein óskrivað regla er, at ein<br />
heldur seg til ein grundnorm. 12<br />
Hesin grundnormur kann verða ein skrivað grundregla, ein grundlóg,<br />
sum ein ikki víkir frá og ikki broytir uttan samsvarandi innihaldinum í<br />
hesi grundlóg.<br />
Ein og hvør grundlóg nýtist ikki beinleiðis at hava heimild í siðvenjurætti,<br />
hon kann hava heimild sína í grundlóg, sum var frammanundan,<br />
sum so aftur hevur heimild í grundlóg frammanundan, og<br />
soleiðis missa vit heimildina fyri grundlógini burtur í søgu landsins. –<br />
Eitt er tó vist, onkustaðni afturi í søguni er óskrivað regla um, at ein vil<br />
halda seg til eitt ávíst skrivað skjal.<br />
Heimildin fyri eini grundlóg er tí ikki altíð so trygg, álitið á hana velst<br />
um, hvussu teir rættarverjandi stovnarnir og fólkið í landinum taka<br />
undir við henni og halda henni uppi sum eina grundreglu, og her<br />
spælir sjálvsagt avgjørt inn, um hon er gjørd samsvarandi eini fyrr<br />
galdandi grundlóg. Hetta nýtist tó ikki at vera so, er ófriðaligt ella<br />
uppreistur í landinum, og uppreistrarfólkið fær valdið, so kann tað<br />
henda, at ikki verður stórt lagt í grundlógina, sum var galdandi, tá ið<br />
valdið var yvirtikið, og nýggja skipanin fær tá fult løgfrøðiligt gildi.<br />
Grundlóg ríkisins lóg nr. 169 frá 05.06.1953 sigur í § 1, at hon er<br />
galdandi fyri allar partar av ríki Danmarkar og harvið eisini Føroyar, og<br />
er hon formliga lógliga lýst eisini at galda fyri Føroyar eftir reglunum í<br />
lóg nr. 51 frá 1. apríl 1896 om kundgørelse af love og anordninger på<br />
Færøerne. 13 Ein sannroynd er eisini, at hon er tikin í fullum álvara og<br />
hildin uppi av teim rættarverjandi stovnunum í Føroyum, nevniliga<br />
løgtingi, landsstýri, løgreglu, fúta, sorinskrivara, biskupi o.ø, og hava<br />
frælsisrættindini í henni eisini verið hildin uppi í Føroyum. Eisini hava<br />
danska drottningin, danska stjórnin, hernaðarvaldið og eystari landsrættur<br />
og hægstirættur nýtt sínar heimildir sbr. hesi lóg til fulnar í<br />
48<br />
12 . Hetta sjónarmið er nærri útgreinað av Alf Ross, professara dr. jur.& phil í<br />
bókini „Dansk Statsforfatningsret I, Nyt Nordisk Forlag – Arnold Busck, København<br />
1966. (2. udg) bls. 154 ff.<br />
13 . Kunngerðin fór fram í Dimmalætting nr. 51, leygardagin 27. juni 1953.