You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
helmingurin av tingmonnunum er á fundi og luttekur í atkvøðugreiðsluni.“<br />
Hesa orðing hevði hann helst úr løgtingslógini 75 § 16, stk. 6, sum var<br />
samsvarandi tá galdandi grundlóg § 60, sum er endurtikin við núverandi<br />
grundlóg § 50. 7-mannanevndin, sum hevði stýrisskipanarlógina til<br />
viðgerðar, strikaði hesa orðing, men vildi broyta orðingina soleiðis, at<br />
fyri at samtykkja mál krevst, at meiri enn helmingurin av løgtingslimunum<br />
er á fundi og fyri málinum. Hetta uppskot nevndarinnar var<br />
endaliga samtykt. Nevndin broytti sostatt ikki atkvøðuskipanina frá tí,<br />
hon hevði verið frammanundan sbr. løgtingslógini, við tað at § 16, stk.<br />
6, í løgtingslógini var tulkað soleiðis, at teir, sum ikki atkvøddu, ikki<br />
vóru roknaðir við í atkvøðugreiðsluna. 76 Rættarstandurin frammanundan<br />
1948 var bert gjørdur eitt sindur greiðari. Á fólkatingi verða<br />
harafturímóti teir, sum eru til staðar, men ikki atkvøða, roknaðir við í<br />
atkvøðugreiðsluna.<br />
Eftir § 18 kann løgtingið skipa nevndir at kanna almenn týðandi mál.<br />
Tílíkar nevndir hava rætt at krevja skrivligar ella munnligar frágreiðingar<br />
frá privatum borgarum eins og almennum embætismonnum. Følsk<br />
frágreiðing fyri nevndini kann revsast eftir borgaraligu revsilógini §<br />
162. Einki er sagt um, hvussu farast skal fram, um onkur dregur seg<br />
undan at geva nevndini frágreiðing. Helst kann tá ikki verða kravd<br />
vitnisførsla fyri sorinskrivaraembætinum eftir reglunum í rættargangslógini<br />
§ 343, stk. 1, og § 747, men vanligt mál kann byrja við sorinskrivaraembætið<br />
við kravi um, at viðkomandi verður dømdur at geva<br />
frágreiðing. 77<br />
Tá løgtingið velur nevndarmenn og umboð, fer valið fram við lutfalsvali<br />
sbr. stýrisskipanarlógini § 18, stk. 2. Hetta merkir, at fyrst valda<br />
mannin fær tann bólkur, sum hevur flestar atkvøður. Hereftir verður<br />
helmingurin av atkvøðunum til listan hjá fyrstvalda manninum skarvaður<br />
av, og tann bólkurin, sum tá hevur flestar atkvøður, fær næstvalda<br />
mannin. Hereftir verður so skarvaður helmingurin av atkvøðunum hjá<br />
næst valda bólkinum, og tann bólkurin, sum tá hevur flestar atkvøður,<br />
88<br />
75 . Lov nr. 124 af 28.03.1923 om Færøernes Lagting við seinni broytingum.<br />
76 . Sí t.d. løgtingstíðindi 1931, bls. 69. Á løgtingi sótu tá 23 løgtingsmenn, og var<br />
til viðgerðar uppskot um at veita Jákupi Danielsen ferðastudning at læra jarðarbrúk.<br />
Uppskotið fekk 11 atkvøður fyri, eingin ímóti, hinir atkvøddu ikki. –<br />
Hetta uppskotið var roknað sum fallið.<br />
77 . Um spurningin sí Ross: Dansk Statsforfatningsret (III udg. 1980 ved Ole<br />
Espersen) pp 254 f.