KAP. 4.

var sagt um, hvør hevði heimildina at melda. Hjá sorinskrivaranum
skuldu málini fara fram sum nevningamál sbr. rættargangslógarinnar §
687, stk. 2, har sagt verður:
„Nævninger medvirker i:
.......
3) sager vedrørende politiske lovovertrædelser“
Við løgtingslóg nr. 102 frá 23.06.1992 um ábyrgd landsstýrismanna er
rættarliga ábyrgdargrundarlag landsstýrismanna nú nakað greiðari.
Í lógini er § 3 soljóðandi:
„Hvør landsstýrismaður hevur ábyrgdina av teimum avgerðum, ið hann
hevur tikið viðvíkjandi teimum málsøkjum , sum honum er latin upp í
hendi at umsita.“
Í § 4 í hesi løgtingslóg verður sagt:
„Tá ið landsstýrið á fundi hevur tikið eina avgerð, hevur einhvør landsstýrismaður,
sum hevur tikið undir við avgerðini, ábyrgdina av henni, og
er hetta eisini galdandi, um landsstýrismaður á annan hátt hevur verið
við til at fremja, at avgerðin er vorðin tikin.“
Í § 5 verður víðari sagt:
„Tá reglurnar í borgarligu revsilógini um meðvirkni til eitt lógarbrot
verða nýttar, skal ein landsstýrismaður verða mettur at hava meðvirkað
til gerðina hjá einum undirmanni, tá
1) hann hevur verið vitandi um, at gerðin fór at verða framd, og hann
hevur latið vera við at royna at hindra hesum,
2) gerðin hevur verið eitt neyðugt ella náttúrligt miðal til at seta í verk
eina avgerð, sum landsstýrismaðurin hevur ábyrgdina av,
3) hann, við ikki í rímiligan mun at hava ført eftirlit og áseta reglur, hevur
virkað fyri, at gerðin er vorðin framd.“
Framhaldandi verður sagt í § 6:
„Landsstýrismaður verður revsaður, um hann tilætlað ella av grovum
ósketni skúgvar til viks tær skyldur, sum áliggja honum sambært løgtingslóg
um umboðsvald Føroya ella lóggávuni annars ella starvsinnihaldi
hansara.
Stk. 2. Ásetanin í stk. 1 er eisini galdandi um so er, at landsstýrismaður á
landsstýrisfundi ella í løgtinginum gevur skeivar upplýsingar, ella um
hann, tá landsstýrið ella løgtingið viðger eitt mál, tigur við upplýsingum,
sum eru av stórum týdningi fyri landsstýrisins ella tingsins meting av
málinum.“
Í lógarinnar § 6 er revsikarmurin settur til bót, hefti ella fongsul upp í 2
ár, í ósketnisføri tó bót og hefti. Fyrningarfrestin fyri brot á lóggávuna
97