KAP. 4.

Bankaeftirlitið skuldi fyri fyrst útinnast av einum ella fleiri av amtinum
tilnevndum persónum, meðan fútin skuldi taka sær av skipa- og
partafelagsskránni, sbr. bráðfeingis áseting nr. 13 frá 17. juni 1940 § 10
og § 12.
Fyrisiting ríkisins var fyri meginpartin løgd til amtmannin. Løgtingið
hevði tó ávíst fyrisitingarvald, og hetta fyrisitingarvald hevði løgtingið
framhaldandi. Ímillum tingseturnar virkaði trímanna nevnd, landsnevndin,
sum sett var í 1928 38 við teirri heimild, henni var givin við
løgtingslógini §19 39 at útinna løgtingsins heimildir millum tingseturnar,
og bert millum tingseturnar.
2. Støðan 1945-1948
12. mai 1945 boðaði Vilhelm Buhl, forsætismálaráðharri, í telegrammi
40 amtmanninum frá:
„Regeringen takker Dem og Deres Medarbejdere for godt udført Arbejde
under Adskillelsen. Regeringen godkender, at Amtmanden under Krigen
sammen med Lagtinget har administreret Færøerne, og at Administrationen
foreløbig videreføres paa samme maade. Haaber snart at se
Dem hernede til Konference“.
Lóggávu- og fyrisitingarskipanin helt so á sum higartil.
Løgtingið avgjørdi, og amtmaðurin staðfesti tó longu í august 1945
við bráðfeingis áseting nr. 12 frá 31.08.1945 at taka av serligu rættargangsskipanina
fyri Føroyar, og at fara undir rættargangsskipanina fyri
kríggið, har hægstirættur Danmarkar var hægsti dómstólur Føroyinga.
Við somu bráðfeingis áseting var avgjørt, at danska bankaeftirlitið aftur
skuldi taka sær av eftirlitinum við føroysku peningastovnunum.
1940 stýrisskipanarhátturin var avtikin við heimastýrislógini frá 1948.
Í § 13 er tó ásett, at tann lóggáva, sum m.a. er givin sbr. bráðfeingis
stýrisskipanini frá 1940, framvegis hevur gildi, til hon formliga verður
avtikin. Av hesi orsøk hava nakrar av teimum undir krígnum og beint
eftir kríggið givnu rættarreglur framvegis gildi í Føroyum, t.d. leigulóggávan.
66
38 . Sí Edw. Mitens, „Eg minnist – skrivstovustjóri løgtingsins“, Tórshavn 1969, bls.
5 og 8.
39 . Lov nr. 124 af 28.03.1923 om Færøernes lagting.
40 . Telegrammið er almannakunngjørt í Dagblaðnum nr. 39 frá týsdegnum
15.05.1945.