KAP. 4.

heimild verður latin landsstýrinum at skriva út kunngerðir soleiðis, at
neyðugt er við samtykki frá løgtingsnevnd, fyri at tær fáa gildi. Hevur
løgtingið ikki álit á landsstýrinum, so skal løgtingslógarframferðin nýtast
og kann ikki umgangast við umvegis at leggja vald til løgtingsnevnd.
Ad § 36:
Eftir § 1 er útinnandi valdið hjá landsstýrinum, og allur fyrisitingarligur
avgerðarrættur kann sostatt við løgtingslóg bert leggjast til landsstýrið,
ella til kommunustýrini sbr. § 56, um hann ikki skal ganga ímóti stýrisskipanini.
Í ávísum førum kunnu tó verða umstøður, sum gera tað ynskiligt, at
bólkar, sum eru óheftir av landsstýrinum, mynda eina nevnd, stýri ella
eitt ráð, sum hevur endaliga fyrisitingarliga avgerðarrættin, og er tí í
greinini ásett, at hóast § 1, so kunnu við løgtingslóg setast nevndir, sum
taka endaligar fyrisitingarligar avgerðir á ávísum nærri ásettum avmarkaðum
málsøkjum.
Nevndin heldur, at sera stórt varsemi eigur at verða sýnt við at seta
nevndir, sum bert skulu taka sær av vanligum politiskum áhugamálum
sum heild, tá eingin orsøk er fyri, at annar myndugleiki enn tann
vanligi politiski fyrisitingarmyndugleikin, landsstýrið, tekur sær av hesi
fyrisiting. – Hetta førir bert við sær, at óneyðug nýggj dýrkandi fyrisiting
verður sett á stovn, og at tað á ávísum málsøki kann henda seg, at
landsstýrið hevur ávíst politiskt vald saman við øðrum politiskum valdi,
sum ikki formliga hevur politiska og rættarliga ábyrgd eftir vanligu
skipanini mótvegis løgtinginum, og tað av hesum stendst fyrisitingarligt
óskil, sum ger, at fyrisitingarligu sjónarmið landsins sum heild verða sett
til viks. Hetta merkir, at tað hereftir er landsstýrið einsamalt, sum setur
limir í nevndir og ráð.
Sum nevnt á bls. 174, so er neyðugt, um § 1 og § 36 verða samtyktar
av lóggávuvaldinum, at ganga ígjøgnum alla lóggávu og broyta hana
soleiðis, at hon verður samsvarandi umrøddu greinum.
Í stk. 2 er ásett, at løgtingið ikki hevur heimild at velja limir í ráð og
nevndir. Hetta kemst av, at tað at velja nevndarlimir er ein fyrisitingarlig
uppgáva, og tann, sum velur, má hava eina rættarliga og politiska
ábyrgd fyri, at treytirnar fyri vali í lógini eru loknar. Sostatt má landsstýrið
ella stovnur, sum hevur ábyrgd fyri landsstýrinum, fremja hetta
val.
Ad § 37:
Sbr. § 3, stk. 2, í stýrisskipanarlógini velur landsstýrið sínámillum hann,
190